اظہرالحق کی دنیا – Azhar's World کچھ میری باتیں کچھ دنیا کی ۔ ۔ ۔ ۔

لگے ظلم کا سراغ ، کِسے گوارہ ہو؟
ملے کوئی فراغ، کِسے گوارہ ہو؟

جہاں روشنی ، چھین لی جاتی ہو
کوئی بنے چراغ، کِسے گوارہ ہو؟

جہاں پے کلیاں ، مسل دی جائیں
کوئی بنائے باغ ، کِسے گوارہ ہو؟

جھوٹ سے جہاں اُجلے ہوں دامن
کوئی لگائے داغ ، کِسے گوارہ ہو؟

سوچنے پے بھی پابندی ہو جہاں
سوچنے لگے دماغ، کِسے گوارہ ہو؟

جھوٹی خبروں کی اس دنیا میں
اظہر ہو ابلاغ ، کِسے گوارہ ہو؟

مسلم ہیں مگر رشتہ کوئی بھی بین نہیں ہے

لہو بہا کہ اک دوجے کا ذرا بھی چین نہیں ہے

ہے تو یہ بھی زمانے کے یزید بپا کی ہوئی کربلا

مگر افسوس کہ اس کربلا کا حُسین نہیں ہے

ترجمہ : اظہر ہاشمی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ ڈرامہ میرے استاد اور مربی جناب عبدالحق قریشی نے سندھی میں لکھا تھا ، دو کرداروں پر مشتمل تھر کے قحط میں لکھا گیا یہ ڈرامہ ، دل کو چھو لیتا ہے ۔۔۔ میں یہ بھی بتاتا چلوں کہ حق صاحب سندھی کے مشہور رائیٹر ہیں اور بیشمار ڈرامے لکھ چکے ہیں ۔۔ اور سندھی ٹی وی کے جانے مانے مصنف ہیں ۔۔۔۔ مگر یہ ڈرامہ بنانے سے سب نے انکار کیا تھا ۔۔۔جیسے ہماری آج کی سندھ گورنمنٹ کر رہی ہے ، میں اس ڈرامے کا ترجمہ پیش کر رہا ہوں ، شاید حق صاحب کی تحریر کاحق ادانہ کر سکوں۔ مگر شاید ان کی تحریر کا احساس ہم میں باقی رہے ۔۔۔۔اور ہم اپنے تھر کے عوام کو سمجھ سکیں ۔۔ میں اسکو اسی ڈرامہ اسٹائل میں پیش کر رہا ہوں جیسے یہ لکھا گیا تھا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کردار
?۔ شاھن ، ایک ابنارمل بچہ ہے ، جسکی عمر اٹھارہ سال کے لگ بھگ ہے
?۔ میراں ، شاھن کی نانی ہے ، عمر پچاس کے لگ بھگ ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پہلا منظر
، تھر کا ایک گاؤں ، آسمان سے سورج آگ برسارہا ہے ، اور ریت ملی مٹی اْڑ رہی ہے ، ایک آواز آتی ہے
۔ یہ کہانی تھر کے ایک گاؤں کی ہے ، جہاں آسمان پر نہ تو بادل ہیں نہ ہی ٹھنڈی ہوائیں چلتی ہیں ، آنکھیں بارشوں کا انتظار کرتے کرتے تھک گئیں تھیں ، پیٹ کی بھوک نے جب کھانے کو کچھ نہ پایا اور پانی کی خواہش میں ہونٹ سوکھنے لگے ۔۔ تو لوگ اپنے گھروں کو چھوڑ کر دوسرے علاقوں میں جانے لگے ۔۔۔ گاؤں ویران ہو گیا ، مگر دو افرادنے یہ گاؤں نہ چھوڑا ،اورقبریں تھیں ۔۔۔
یہ قبر شاھن کی ماں کی ہے ، شاھن جو پیدائشی طور پر ابنارمل بچہ تھا ، جوان ہونے کے باوجود وہ بچوں کے ساتھ کھیلتا تھا ، محدود سمجھ بوجھ ہونے کے باوجود وہ سمجھتا تھا کہ اسکا وجوداسکی ماں کی وجہ سے ہے ، شاید یہ وہ قدرتی امر ہے کہ انسان سب کچھ بھلا دیتا ہے مگر اپنی ماں کو کبھی نہیں بھولتا
یہ میراں ہے ، میراں شاھن کی نانی ہے ، خشک سالی اور پانی نہ ہونے کے باوجود اسنے شاھن سے اسکی ماں کی قبر نہ چھڑا سکی ، شاھن کا وجود ہی میراں کوزندہ رکھے ہوے تھا ، اسنے اپنے خشک آنکھوں سے سارے گوٹھ (گاؤں ) کو جاتے ہوئے دیکھا ، گوٹھ والوں نے اسے بہت سمجھایا پر وہ نہ مانی ، توگاؤں والوں نے انکے لیے کچھ آٹا اور پانی سے بھرے ہوئے مٹکے چھوڑ دیے ۔۔۔ تو ان دونوں کا وجود ہی اس گاؤں کو آباد رکھے ہوئے تھا ۔۔۔ اور زندگی کے ہونے کی علامت تھا

دوسرا منظر
میراں کے کچے گھر کا صحن ، جس میں میراں کھانا بنا رہی ہے ، مٹی کے چولہے پر ، شاھن چور قدموں سے آہستہ آہستہ آ کہ میراں کی آنکھوں پر ہاتھ رکھ کر بچوں کے انداز میں کہتا ہے
۔ نانی نانی ۔۔ نانی ۔۔ بتاؤ تو میں کون ہوں ؟
نانی نے اپنے چہرے سے اسکے ہاتھ ہٹاتے ہوئے آہ بھر کہ بولی
۔ اب اس گوٹھ میں تمہارے اور میرے سوا اور کون ہے
۔ نا نا ان ۔۔۔مجھے پہچانو ۔۔۔ میرا نام بتاؤ۔۔ نانی ، شاھن نے پھر ہاتھ میراں کی آنکھوں پر رکھ دیے
۔ تم ۔۔۔ تو۔۔۔ تو میرا شاھن ہے ۔۔۔ اب چھوڑو ، روٹی جل جائے گی
۔ ہا ہا ۔۔ ہاں ہاں۔۔۔ میں شاھن ہوں ۔۔ تم۔۔۔تم ۔۔ میراں ہو۔۔۔میری نانی ہو ۔۔ ہاں ہاں ۔۔ شاھن نے بچوں کے انداز میں تالی بجا کہ کہا
۔ ہو آئے ماں کی قبر سے ۔۔۔۔
۔ ہاں ہاں نانی ، ماں کو کھانا کھلا کہ ، پانی پلا کہ اور مٹی کی موٹی تہ لگاکہ آیا ہوں
۔ لو ، ادھر زندہ لوگوں کے کھانے پینے کو کچھ نہیں ، تم مرے ہوئے کو کھانے پلانے کی باتیں کر رہے ہو ، میراں نے منہ بناتے ہوئے کہا ، تو شاھن نے ناراضگی کا اظہار کرتے ہوئے منہ بنا لیا تو میراں نے پیار سے پوچھا
۔ اب کیا ہو گیا ہے تمہیں ۔۔۔ مگر شاھن نے کوئی جواب نہ دیا تو میراں نے آسمان کی طرف بے بسی سے دیکھتے ہوئے کہا
۔ اے بے پرواہ پروردگار ، بتا تو سہی ، سچ ۔۔۔ پاگلوں کو دوسرا کون دیکھے گا ۔۔۔
پھر میراں شاھن کی طرف مڑی اور بولی
۔ اب غصہ چھوڑو اور ۔۔۔ کھانا کھا لو ۔۔۔ شاباش ۔۔۔ اٹھو ۔۔
۔ ناں ۔۔ میں تم سے کْٹی ہوں ۔۔۔ تم نے مجھے جھوٹا سمجھا ہے ۔۔۔ پاگل کہا ہے ۔۔
۔ ارے ابا ۔۔۔ (سندھی میں مخاطب کرنے کا یہ بھی انداز ہے ) تم سے بات نہ کروں تو کس سے کروں ؟
۔ تم نے مجھ سے مذاق کیا ہے ۔۔ اور مجھے جھوٹا نہیں کہا کیا ، پاگل نہیں کہا ۔۔۔ کیا ۔۔ ہونہ
۔ ہاں ۔ ہاں ۔۔ تم سچے ہو باقی سب جھوٹے ہیں ۔۔ چلواب کھانا کھا لو ۔۔۔
میراں نے اسے پیار سے چمکارتے ہوئے کہا اور دونوں کھانا کھانے لگے

تیسرا منظر
شاھن مٹکوں کو الٹ الٹ کر پانی بہا رہا ہے ، میراں چیختی ہوئی آتی ہے ،
۔ نانی نانی ۔۔ دیکھو کتنا پانی ۔۔۔ نانی نانی ۔۔۔ دیکھو کتنا پانی
میراں سر پکڑ کر بیٹھ جاتی ہے
یہ ۔۔۔۔ یہ کیا کیا تو نے ، سارا پانی بہا دیا ۔۔۔ اور اسپر خوش بھی ہو رہے ہو ۔۔۔ یہ کیا کیا شاھن
شاھن نے اسکی طرف دیکھا اور پھر کٹی کا نشان دکھا کر ماں کی قبر کے پاس جا کہ بیٹھ گیا اور قبر کی مٹی سے کھیلنے لگا
میراں نے اسے پیار سے پکارا
۔ شاھن۔۔۔ شاھن ۔۔ میرے بچے ۔۔۔میری بات سنو ۔۔۔۔ چلو چل کہ کھانا کھا لو ۔۔۔
۔ نہیں میں نہیں سنتا میں نہیں ۔۔۔ سنتا۔۔۔
۔ اچھا ٹھیک ہے نہ سنو ۔۔۔۔ میں بھی تیری ماں کی طرح مر جاؤں گی اگر روٹی نہ کھائی تو ۔۔
۔ شاھن ایک دم اٹھ کھڑا ہوا اور میراں سے لپٹ گیا ۔۔۔
۔ نا نا نا ۔۔۔ میں سنوں گا۔۔ میں تیری ہر بات مانوں گا ۔۔ تم ماں کی طرح نہیں مرنا ۔۔ وہ پھوٹ پھوٹ کر رو دیا ۔۔ اور میراں کی آنکھوں میں بھی آنسو بھر آئے

چوتھا منظر
شاھن جہاز بنا ادھر ادھر گھومتا پھر رہا ہے ، میراں اسے بیٹھنے کو کہ رہی ہے
۔ چل بیٹھ ادھر یہ زوں زوں بند کر
۔ نہیں نہیں۔۔۔۔ میں اڑ کہ اماں سے ملنے جاؤں گا ۔۔۔ زوں زوں ۔۔۔
۔ اچھا اکیلے ہی جاؤ گے ، مجھے نہیں لے کہ جاؤ گے ؟
۔ نہیں تمہیں بھی لے جاؤں گا ۔۔۔ نانی ۔۔۔ وہ اسکے پاس بیٹھ گیا ۔۔۔
۔ نانی ۔۔ یہ کربلا کیا ہے ؟
۔ کربلا ،۔۔۔۔ توں کیوں پوچھ رہا ہے
۔ بتاؤ نا نانی ۔۔۔ یہ کربلا کیا ہے
۔ چْپ کر کہ سو جاؤ ۔۔ میں نہیں بتاتی
۔ نہ بتاؤ ۔۔۔ مجھے پتا ہے۔ 247۔۔۔۔۔ کربلا ہمارے جیسا ایک گوٹھ ہے ۔۔۔
۔ نہ نہ بیٹا۔۔۔ کربلا بہت اچھی جگہ ہے ۔۔۔
۔ ناں ۔۔۔۔ میں خود چاچا وسایو سے سنا تھا وہ چاچی کو کہ رہا تھا ، یہ گوٹھ کربلا ہے ۔۔ اب یہاں سے چلے جانا چاہیے۔۔ نہ پانی ہے نہ کھانے کو کچھ ۔۔۔ یہ کربلا ہے
۔ دیکھو بیٹا یہ گوٹھ تو کربلا کی خاک کے برابر نہیں ہے ۔۔۔ یہاں قحط کی وجہ سے کھانا پانی نہیں ہے ۔۔۔ لوگ اسلیے یہاں سے گئے ہیں ۔۔ ورنہ کربلا میں پانی تھا ۔۔۔ وہ تو یزید نے اللہ کے پسندیدہ بندوں پر پانی بند کیا تھا ۔۔ اس نے پانی نہیں پینے دیا تھا
۔ آ ۔۔ نانی یزید بہت برا تھا ۔۔ میں اسے کٹی ہوں ۔۔۔ اس نے پانی نہیں پینے دیا میں کٹی ہوں ۔۔۔
۔ ہاں شاھن ۔۔۔ اس سے سب کْٹی ہیں ۔۔ وہ بہت برا تھا ۔۔
۔ نانی۔۔۔ اللہ سائیں پانی کیوں نہیں دیتا ۔۔۔
۔ ہاں ۔۔ اللہ سائیں ہمیں صبر کا میٹھا پانی پلا رہا ہے ۔۔۔ میراں نے آہ بھر کہ بولا
۔ ہاں میں بھی صبر کا پانی پیوں گا۔۔۔ شاھن نے آنکھیں بند کر لیں۔۔۔۔
میراں اسکے سر پر ہاتھ پھیرتے پھیرتے سو گئی ۔۔۔

پانچواں منظر
شاھن ۔۔۔ میدان میں گھومتا پھر رہا ہے ، اللہ سائیں پانی دے ، اللہ سائیں پانی دے ۔۔۔ سو برس کی نانی دے ۔۔ اللہ سائیں پانی دے ۔۔
وہ آسمان کی طرف نظر اٹھا کہ دیکھتا ہے ۔۔ مگر کوئی بادل نہیں ہے ۔۔ اسنے آسمان کی طرف کٹی کا اشارہ کیا ۔۔۔اور میراں کے سامنے منہ بنا کہ بیٹھ گیا
۔ ارے بیٹا اب کس سے ناراض ہو گئے ہو ۔۔
۔ اللہ سائیں سے
۔ نہیں بیٹا۔۔۔ اللہ سائیں بہت اچھا ہیں۔۔۔
۔ نہیں۔۔۔ اچھا ۔۔ اچھا ہیتو ۔۔ پانی کیوں نہیں دیتا ۔۔۔
۔ اسکے گھر دیر ہے اندھیر نہیں
۔ سارا گوٹھ خالی ہو گیا ہے ، اب اور کتنی دیر ہے ؟
۔ ہاں اس دیر میں بھی کوئی خیر ہے ۔۔ بیٹا چل اٹھ گھر چلییں کھانا کھائیں
۔ نہیں میں نہیں آتا ۔۔۔ نہیں آتا
۔ نہیں آئے گا تو میں بھی مر جاؤں گی تمہاری ماں کی طرح۔۔۔ میراں نے ہمیشہ والا نسخہ استعمال کیا
۔ نہیں نہیں ۔۔ نانی تو نہیں مرے گی ۔۔ تو نہیں مرے گی ۔۔۔ میں مرجاؤں گا۔۔ میں مر جاؤں گا
۔ نہ بیٹا ایسا نہ کہ میرا دل پھٹ جائے گا ۔۔ میراں نے شاہو کو سینے سے لگا لیا اور دونوں گھر کی طرف چلنے لگے

چھٹا منظر
آسمان پر بادلوں کی ٹکڑیاں آتی جاتی رہیں اور پھر وہ ہی ۔۔۔ چلچلاتی دھوپ ۔۔ شاھن نے کھیلنا بند کر دیا اور آسمان کو ہی دیکھتا رہا ، میراں بھی آسمان دیکھ کر سر جھکا لیتی ہے ، دونوں کے چہروں پر دکھ کے آثار اب بہت واضح ہیں
رات کو شاھن کے سر میں درد تھا ۔۔۔
۔ نانی مجھے سر درد کی گولی لا دو
۔ کہاں سے لا دوں دوکان توگوٹھ کی کب کی بند ہے
۔ تو پھر ۔۔ تیل مل دو
۔ تیل بھی کب کا ختم ہے ۔۔ کیا کروں
۔ نانی مجھے بہت درد ہے
۔ اچھا چل میں تجھ دعا پڑھ کر دم کر دیتی ہوں ۔۔۔
شاھن سوچتے سوچتے سو گیا ۔۔۔ میراں کی آنکھوں سے آنسو چھلک رہے تھے

ساتواں منظر
شاھن بستر سے اٹھ کر خوشی خوشی میراں کے پاس آیا اور بولا
۔ نانی نانی پتہ ہے رات خوام میں میرے یزید آیا تھا
۔ یزید ؟
۔ تو میں نے اس سے کہا میں کٹی ہوں تم سے ۔۔ مگر اسنے کہا کٹی نہیں ہو میں تمہیں پانی دوں گا
۔ وہ وہ ۔۔۔ یزید نہیں بیٹا شیطان ہے ۔۔۔ یزید شیطان ہے ۔۔۔ وہ تمہیں ورغلا رہا ہے
۔ نہیں تم جھوٹ کہتی ہو ۔۔۔ وہ یزید پانی دے گا وہ صحن میں گھومنے لگا
۔ یزید یزید پانی دے ۔۔ سو برس کی نانی دے ۔۔ یزید یزید پانی دے ۔۔۔
۔ مجھے نہیں چاہیے ایسا پانی۔۔۔ ایسا نہیں کہ۔۔ مجھے وہ زندگی نہیں چاہیے جو شیطان دے ۔۔۔ نہیں چاہیے
اتنے میں بادلوں کی ایک ٹولی سی آسمان پر بننے لگی ۔۔۔ جسے دیکھ کر شاھن اور خوش ہو گیا
۔ نانی دیکھو۔۔ نانی دیکھو ۔۔۔ یزید نے میرے لیے پانی بھیجا ہے ۔۔ بادلوں میں پانی ہے۔۔ دیکھو نانی یزید نے پانی بھیجا ہے
گھٹا اور گہری ہوتی جا رہی تھی ۔ میراں نے سر اٹھا کہ آسمان کو دیکھا اور بولی
۔ اے رب العالمین ۔۔۔ جب سارے گوٹھ نے دعائیں مانگیں ۔۔۔ تو نے بارش نہ دی ۔۔۔ ایک نہ سنی کسی کی
وہ پھوٹ پھوٹ کر رو پڑی
تجھے اپنے پیارے حبیب کا واسطہ۔ تجھے اہل بیت کا واسطہ ۔۔۔ آج پانی نہ برسانا ۔۔۔میرے معصوم شاھن کے دل میں یزید شیطان بس جائے گا
بس آج کے دن بارش نہ برسا ۔۔۔ آج یہ رحمت ہم پے نہ برسا ۔۔۔ یا رب میرے شاھن پر رحم کر ۔۔۔ رحم کر ۔۔۔ شاھن کے دل کو اس گناہ سے بچا لے
اے رب رحم کر ۔۔
میراں رو رو کر گڑگڑارہی تھی ، اور بار بار آسمان پر بے بسی سے دیکھ رہی تھی ۔۔۔ بادل آہستہ آہستہ چھٹنے لگے ۔۔۔ اور تھوڑی دیر میں آسمان صاف ہو گیا
میراں کے چہرے پر سکون کے تاثرات پھیل گئے ۔۔۔ اور وہ سجدے میں گرپڑی
شکر ہے میرے رب ۔۔۔ تو نے میرے شاھن کو گناہ گارہونے سے بچا لیا ہے
شاھن نے پھر یزید سے کٹی کر لی اور کمرے میں جا کہ بستر پر لیٹ گیا
میراں کے چہرے پر خوشی پھوٹ رہی تھی ۔۔۔ اللہ نے اسکی دعا سن لی تھی

آٹھواں منظر
شام کے وقت شاھن ناراض بیٹھا ہے۔ میرں نے پوچھا
۔ شاھن ۔۔ کیا سوچ رہے ہو ، مگر شاھن کوئی جواب نہیں دیتا
۔ ارے بہرہ ہو گیا ہے کیا ، سنتا کیوں نہیں
۔ ادھر ۔۔ ادھر ۔۔ ادھر۔۔۔ سب بہرے ہیں ۔۔۔ اللہ سائیں بہرہ ہے ۔۔ وہ وہ وہ ۔۔۔ یزید بھی جھوٹا ہے ۔۔۔سب جھوٹے ہیں ۔۔ میں سب سے کْٹی ہوں
۔ ارے چریو ۔۔۔ یزید تو ہے ہی جھوٹا ۔۔ مگر اللہ سائیں نہیں ہے ۔۔
۔ اللہ سائیں نہیں ہے تو آج بارش کر دے نا ۔۔ آج بارش نہ ہوئی تو میں سب سے کٹی ۔۔پکی کٹی
شاھن نے پھر گول گول گھومنا شروع کر دیا

اللہ سائیں پانی دے ، سو برس کی نانی دے ۔۔ اللہ سائیں پانی دے
آسمان بادلوں سے بھرنے لگا ۔۔۔ اور تیز ہوائیں چلنے لگیں
تھوڑی دیر میں ہی ۔۔۔ بوندیں پڑنے لگیں ۔۔ شاہو اور زور سے گھومنے لگا ۔۔۔
۔۔۔ اور پھر خوشی سے میراں کے پاس جا بیٹا ۔۔
نانی نای ۔۔۔ یہ دیکھو پانی۔۔ نانی نانی ۔۔ اللہ سائیں نے پانی بھیجا ہے ۔۔۔
میراں بھی خوشی سے نہال ہو گئی
دیکھ بیٹا میں نے تم سے کہا تھا نا کہ اللہ سائیں سنتا ہے اللہ جھوٹا نہیں ۔۔ اسکے گھر دیر ہے اندھیر نہیں ۔۔۔
۔ ہاں میں اب اللہ سائیں سے کْٹی نہیں ہوں ۔۔۔ اب گوٹھ والے لوٹ آئیں گے ۔۔۔
شاھن نے بارش میں بھیگتے ہوئے گھومنے لگا ۔۔ اسکے چہرے پر بوندیں ٹپ ٹپ گر رہیں تھیں ۔۔ مٹی کی پیاس بجھنے لگی تھی ۔۔
میراں ۔۔۔ سجدے میں اللہ کا شکر ادا کر رہی تھی ۔۔۔
شاھن ۔۔۔ کے چہرے سے مٹی اتر رہی تھی ۔۔۔ اور ایک نرم ملائم اور حسین و معصوم چہرہ ابھر آیا تھا۔۔۔۔ اسکی آنکھیں بند تھیں ۔۔۔
اور بارش برستی رہی ۔۔ اور شاھن نہاتا رہا بارش میں ۔۔۔۔ تھر میں جل تھل ہو گیا تھا ۔ ۔۔۔

۔ ختم شْد۔۔

کالی روشنی
ایک سائینس فکشن کہانی
۳۰۳۱، میں نے گولڈن پلیٹ پر کندہ نمبر دیکھتے ہوئے فلیٹ کا دروازہ کھولا، میرے ساتھ بلڈنگ کا چوکیدار بھی تھا، صاحب آپ کو کوئی بھی پریشانی ہو تو ادھر سے امارے کو بیل دیو۔۔۔ ام فوراً آ جائے گا۔۔ ٹھیک ہے، میں نے اس سے اپنا بیگ لیتے ہوئے کہا، تم جاؤ، اچھا صاب۔۔۔ وہ رکا تو میں سمجھ گیا وہ کیا چاہتا ہے۔۔۔جیب سے دس کا نوٹ دیا اور شکریہ کہ کر دروازہ بند کر دیا۔۔۔۔
مجھے میری کمپنی نے اس شہر میں تین مہینے کے لئیے بھیجا تھا، فلیٹ پہلے سے ہماری کمپنی کے استعمال میں تھا، ہماری کمپنی کے تقریباً سارے کے ساے منیجر اسے استعمال کر چکے تھے۔۔۔۔
یہ ایک لگثری فلیٹ تھا۔۔۔سو زندگی کی ہر سہولت مہیا تھی۔۔۔ اور باقاعدہ دیکھ بھال کی وجہ سے اچھا نظر آ رہا تھا۔۔۔
میں نے اپنے بیگ سے شلوار سوٹ نکالا اور ریفریش ہو نے کے بعد بیڈ روم میں آگیا۔۔۔ بیڈ کے سامنے والی کھڑکی کھولی تو سامنے ایک خوبصورت منظر تھا۔۔۔ سامنے ایک طویل سڑک تھی، شام کے ۶ ہونے والے تھے، جھٹپٹے کا سا سماں تھا۔۔۔ ایسا لگ رہا تھا کہ بلڈنگ ہوا میں بنی ہوئی ہے ۳۱ ویں منزل سے نیچے جھانکا تو ایسا لگا کہ گاڑیاں چھوٹے چھوٹے کھلونے ہوں۔۔۔نظریں اٹھائیں تو ایک اسکول نظر آیا۔۔۔ شاید شام کی شفٹ کا اسٹاف جا رہا تھا۔۔۔ فٹ پاتھ پر اچھی خاصی رونق نظر آرہی تھی، ٹریفک نہ ہونے کے برابر تھی۔۔۔۔ مجھے بہت اچھا لگا یہ منظر۔۔۔ دور دور تک روشنیاں ٹمٹمانے لگیں تھیں، ایک بلڈنگ پر ایک بہت بڑا نیون سائن جل اٹھا تھا۔۔۔ بڑے دنوں کے بعد میں روشنی اور تاریکی کا یہ حسین ملاپ دیکھ رہا تھا۔۔۔ ورنہ صبح جب آفس جاتا تو سورج چمک رہا ہوتا تھا، اور جب واپس آتا تو اندھیرا ہوتا۔۔۔
اتنے میں میرے موبائیل کی موسیقی سنائی دی، میں نے جیب سے موبائیل نکالا ۔۔ گھر سے فون تھا،
کیا ہو رہا ہے۔۔۔۔
نظارہ۔۔۔
کس کا۔۔۔بیگم نے کا کو کھینچتے ہوئے پوچھا
میں نے اسکول کی اندھیری عمارت کو دیکھتے ہوئے کہا۔۔۔ایک حسین و جمیل۔۔۔
بس بس پتہ ہے مجھے آپ کی حسین و جمیل۔۔۔ کو۔۔ آپ اپنی کوئی فائل گھر بھول گئے تھے، ابھی ابھی شہزاد بھائی آئے تھے، وہ لے گئے ہیں، کہ رہے تھے دفتر جا کر آپکو فون کر وں گا۔۔۔
ارے ہاں۔۔۔ اوہ۔۔ اب کیا کروں ۵۴ سال کی عمر ہے کچھ تو اثر ہو گا نا۔۔۔ آپکی طرح جوان تونہیں۔۔۔ میں نے بیگم کو چھیڑا
جی نہیں میں جوان نہیں ادھیڑ عمر ہوں ۔ ۔
جی جی۔۔۔ سولہ برس کی ادھیڑ عمر خاتون۔۔۔میں ہنسا۔۔۔۔اچھا اچھا اب زیادہ باتیں نہ بنائیں۔۔ کھانا کہاں سے کھائیں گے۔۔۔ بیگم نے بات بدلی۔۔۔ ارے دے دے گا اوپر والا، اچھا کل یاد سے چوچو کے ایگزام کی داخلہ فیس جمع کروا دینا، کل آخری تاریخ ہے۔۔۔
جی مجھے یاد ہے، اپنا خیال رکھیے گا،اور ہاں۔۔۔ ٹھنڈ لگے تو سویئٹر ضرور پہنیے گا۔۔۔
جو ملکہ عالیہ کا حکم!!!
اللہ حافظ
اللہ حافط۔۔۔ میں نے مسکراتے ہوئے فون بند کیا
فیلٹ لاک کر کے نیچے اترا تو چوکیدار نے پوچھا
صاب کھانہ کھانے جاتا ہے؟
ہاں خان صاحب، ادھر اچھا ہوٹل کدھر ہو گا؟
صاب، ادھر سامنے ایک ہوٹل ہے، وہ اکرم صاحب بھی ادھر ہی کھاتا تھا۔۔۔مگر آپ کو تھوڑا چلنا پڑے گا۔۔۔۔
کوئی بات نہیں خان صاحب، ذرا سیرکرنے کا بہانہ بن جائے گا۔۔۔۔
سڑک پر لایٹس کی روشنی عجیب سماں باندھ رہی تھی۔۔ میں نے سڑک پار کر کے چلنا شروع کیا، عجیب علاقہ تھا۔۔۔ اکا دکا دوکان کھلی نظر آرہی تھی۔۔۔ میں چلتے چلتے اسکول کے پاس پہنچ گیا۔۔۔ ساری سڑک پر یہ ایریا بلکل سنسان اور تاریک تھا، اسکول جو تھا رات کہ بند ہو چکا تھا، عجیب پروہول عمارت تھی، اوپر سے ایسی نہیں لگی، مجھے وحشت سی ہونے لگی میں تیزی سے چلنے لگا۔۔۔اچانک مجھے ایسا لگا جیسے کسی نے سرگوشی کی ہو۔۔۔ہوا بہت ہلکی چل رہی تھی۔۔۔ میں اسے ہوا کی آواز سمجھ کر نظر انداز کر گیا۔۔ اور اسکول کا ایریا کراس کر لیا۔۔۔ سامنے ہی مجھے ریستوران نظر آیا۔۔۔ میں جلدی سے اندر پہنچا۔۔۔ اور ویٹر کو کھانے کا آرڈر دیا۔۔واقعیٰ ہی کھانا لذیذ تھا۔۔۔میں کچھ زیادہ ہی کھا گیا۔۔۔ اس درمیان میں شہزاد کا فون آگیا۔۔۔میں نے بل ادا کر کے اپنی بلڈنگ کی طرف چلنا شروع کر دیا۔۔۔ ساتھ ساتھ شہزاد سے باتیں بھی کرتا جا رہا تھا۔۔۔ اچانک موبائیل میں سے عجیب سی چی چاں پوں پاں کی آواز آنے لگی۔۔۔ میں سمجھا کہ نیٹ ورک میں پروبلم ہے۔۔۔ میں نے فون کا سوئچ آف کر دیا۔۔۔ مگر یہ کیا۔۔۔ سوئچ آف ہونے کے بعد بھی آوازیں آرہیں تھیں۔۔۔ میں نے سوئچ کو دبایا۔۔مگر پھر آوازیں۔۔ میں نے ہیلو ہیلو کیا۔۔۔ مگر۔۔۔ کچھ نہیں ہوا۔۔ البتہ آواز یں فیڈآف ہونا شروع ہو گئیں۔۔۔میں نے سوچا یہ موبائیل میں کوئی پروبلم ہے۔۔چیج کر لوں گا کل ہی۔۔۔ ابھی میں چند قدم چلا ہی تھا۔۔کہ پھر پہلے جیسی سرگوشی سنائی دی۔۔۔اور اس دفعہ یہ سرگوشی واضح تھی۔۔۔ کوئی میرا نام لے رہا تھا ۔۔۔
نادر۔۔۔نادر۔۔۔
کک۔۔کک کون۔۔میں گھبرا گیا۔۔۔کیوں کہ میں اسکول کے ریسیپشن کے دروازے کے سامنے کھڑا تھا۔۔۔ اچانک مجھے کچھ عجیب سا احساس۔۔ میں نے غور کیا۔۔ ریسیپشن کے کمرے کے بند دروازے سے ایک روشنی پھوٹ رہی تھی۔۔۔ ایسا لگ رہا تھا۔۔۔ جیسے لیزر شو میں لایٹس ہوتیں ہیں۔۔۔ میں نے سوچا شاید کسی نے لایٹ آن چھوڑ دی ہو۔۔۔ میں نے چلنا شروع کیا۔۔سڑک سنسان ہو چکی تھی۔۔۔ دور دور تک کوئی ذی نفس نظر نہیں آ رہا تھا۔۔۔میری بلڈنگ بھی اندھیرے میں گھری دیکھائی دے رہی تھی۔۔۔میں نے چلتے چلتے پیچھے مڑ کر دیکھا۔۔۔عجیب حیرت انگیز منظر تھا۔۔۔ دروازے سے روشنی نکل کر دیوار پر پھیل رہی تھی۔۔۔ تھوڑی دیر میں۔۔۔ایسا لگا کہ وہ روشنی میری طرف بڑھ رہی ہے میں تیزی سے قدم اٹھانے لگا۔۔۔۔انجانا سا خوف میرے ذہن پر چھا رہا تھا۔۔۔اچانک مجھے پھر سرگوشی سنائی دی۔۔اور ایک دم جیسے ایک زور دار دھماکہ ہوا۔۔۔لیکن یہ دھماکہ میرے ذہن کے اندر ہوا تھا۔۔۔ روشنی میرے ساتھ والی دیوار پر پھیل رہی تھی۔۔۔ مرے قدم جیسے کسی غیر مرئی طاقت نے پکڑ لئیے تھے۔۔۔روشنی پوری دیوار پر پھیل رہی تھی۔۔۔ دیوار بلکل شفاف تھی۔۔۔لگتا تھا۔۔نئی نئی رنگ کی گئی ہے۔۔۔ روشنی نے آہستہ آہستہ ایک روپ اختیار کرنا شروع کر دیا تھا۔۔۔۔اور چند سیکنڈمیں ایک خوبصورت عورت کی تصویر بن گئی۔۔۔ اسکے چہرے پر معصومیت پھیلی ہوئی تھی۔۔۔ اور اسکے لب ہل رہے تھے۔۔۔ اور سرگوشی سی آواز میرے لئے اب واضح ہو گئی تھی۔۔۔۔
ہماری مدد کرو۔۔۔۔ہماری مدد کرو۔۔ نادر ہماری مدد کرو۔۔۔
ایک مشینی انداز تھا آواز کا۔۔۔
کک کک کون ہو تم۔۔۔ اور میں تمہاری کیا مدد کروں۔۔۔۔
اپنے موبائیل کی بیٹری ہمیں دے دو۔۔۔
میں نے حیرت زدہ لہجے میں پوچھا۔۔۔ اب میں تھوڑا سنبھل چکا تھا۔۔۔
ہماری دنیا تمارے موبائیل کی بیٹری میں ہے۔۔۔اور تم نے اسے کل اوورچارج کر دیا تھا۔۔۔ جس سے ہماری کہکشاں غیر متوازن ہو گئی ہے۔۔۔ اور اگر تم نے اس کا استعمال نہ چھوڑا تو۔۔۔ہماری گلیکسی تباہ ہو جائے گی۔۔۔
مگر تم ہو کون؟۔۔۔۔
ہم۔۔۔ شوستر۔۔ ہیں۔۔۔
شوستر؟
ہاں۔۔اچانک۔۔۔ تصویر بدلنے لگی۔۔۔ اور سرگوشی ایک غراہٹ میں تبدیل ہوتی گئی
ہم شوستر ہیں۔۔۔۔ کالی کہکشاں کے رہنے والے۔۔۔ تصویر اب ایک خوفناک کیکڑے جیسے جانور میں بدل گئی تھی۔۔۔۔مگر جیسے اسکا جسم آنکھوں کا بنا ہوا ہو۔۔۔۔ صرف آنکھیں ہی آنکھیں نظر آ رہی تھیں۔۔۔۔ اچانک مجھے کسی تیز رفتا ر گاڑی کی آواز آئی۔۔۔اور گاڑی میرے پاس سے زوں کی آواز سے گذر گئی۔۔۔اور اسکے ساتھ ہی وہ روشنی ایک دم بند ہو گئی۔۔۔جیسے کسی نے سوئچ آف کر دیا ہو۔۔۔اور ساتھ ہی میرے موبائیل کی موسیقی ابھرنے لگی۔۔۔۔
ہل ہل ہل لو۔۔۔میں نے ہکلاتے ہوئے موبائیل کو کان سے لگایا۔۔۔
کیا بات ہے اتنی دیر سے فون کر رہی ہوں۔۔۔ بند بند۔۔۔کیا سو گئے؟
نن نن نہیں۔۔۔ ارے آپ تو ایسے ہکلا رہے جیسے میں نے آپکی چوری پکڑی ہو۔۔۔ کیا چوری کر رہے تھے۔۔۔بیگم نے شوخ آواز سے پوچھا۔۔
کچھ نہیں۔۔۔پتہ نہیں موبائیل میں کچھ پروبلم ہے۔۔۔ میں نے ادھر ادھر دیکھ کر سڑک پار کی اور پیچھے مڑ کر دیکھا تو کچھ بھی نہیں تھا۔۔۔بس ایسا لگ رہا تھا جیسے کوئی اسٹل منظر ہو۔۔۔۔ صرف اسکول والا ایریا ڈارک تھا۔۔۔ باقی روڈ لایٹس دور تک روشن تھیں۔۔۔ خان نے مجھے دیکھتے ہی سلام کے لئے ہاتھ اٹھایا۔۔۔ میں نے بھی ہاتھ سے جواب دیا۔۔۔ اچھا یار اب مجھے نیند آ رہی ہے۔۔۔ اور ابھی لفٹ میں موبائیل بند ہو جائے گا۔۔۔۔اگر فون نہ ملے تو پریشان نہ ہونا۔۔۔ موبائیل میں پروبلم ہے۔۔۔ اچھا ٹھیک ہے۔۔۔اپنا خیال رکھیے گا۔۔اللہ حافظ۔۔۔اللہ حافظ۔۔۔میں نے فون بند کیا۔۔۔ مگر یہ کیا۔۔۔فون کی سکرین پر نیلے حروف میں۔۔۔ ہماری مدد کرو۔۔۔لکھا ہواء نظر آ رہا تھا۔۔۔۔پھر الفاظ بدل گئے، میں نے لفٹ کے اندر داخل ہوکر ۳۱ کا نمبر دبا دیا مگر میری نظر فون پر ہی تھی۔۔۔جہاں اب۔۔۔شوستر کی مدد کرو۔۔ کا میسج آ رہا تھا۔۔۔لفٹ نے پانچویں منزل کراس کی تو میسج پھر چینج ہو گیا۔۔۔ ایک بار پھر اسی عورت کی تصویر نظر آئی۔۔۔ اسکے لب ہل رہے تھے۔۔۔ مگر وہ سرگوشی نہیں سنائی دی۔۔۔ کچھ دیر بعد شاید اسے بھی احساس ہوا۔۔۔ اسکے چہرے پر حیرت کے اثار تھے۔۔۔ اتنے میں لفٹ کی بیل بجی، میرا فلور آگیا تھا۔۔ میں نے تیزی سے اوپن ڈور کا بٹن دبانا چاہا۔۔ مگر غلطی سے ہاتھ ایمرجنسی بیل پر پڑ گیا۔۔۔ ایک تیز بیل سنائی دی۔۔۔اور میرا موبائیل میرے ہاتھ میں تھرا کر رہ گیا۔۔ میں نے دیکھا تو موبائیل ڈیڈ ہو چکا تھا۔۔۔ لفٹ ڈور کھل چکا تھا۔۔۔میں تیزی سے باہر نکلا اور تیزی سے اپنے فلیٹ کی طرف بھاگا چابی میرے ہاتھ میں تھی۔۔۔ کپکپاتے ہاتھوں سے میں نے دروازہ کھولا۔۔۔ اور کمرے کی لائٹ آن کر دی۔۔۔
خوش آمدید۔۔۔ میں اچھل پڑا۔۔۔ وہ ہی سرگوشی کی آواز تھی مگر اس دفعہ میرے سامنے کے صوفے پر وہ ہی عورت۔۔۔ جسمانی حالت میں موجود تھی۔۔۔ اسکے بدن پر۔۔۔ جیسے نیلے رنگ کی چادر لپٹی ہوئی تھی۔۔۔ مگر روشنی نہیں تھی۔۔۔ اور دوسری بات تھی۔۔۔کہ عورت کے چہرے پر۔۔ کرب کے اثار تھے۔۔۔۔
آپ کون ہیں۔۔۔ میں شاستر ہوں۔۔۔
اوہ دیکھیے محترمہ۔۔۔ مم۔۔ مم ادھر اکیلا ہوں۔۔۔ عزت دار انسان ہوں۔۔۔
اچانک اسکے چہرے پر ہلکی سی مسکراہٹ آئی مگر بجھی بجھی سی۔۔۔ جیسے اسنے کسی دکھ کو چھپا رکھا ہو
نادر۔۔ہماری مدد کرو۔۔۔
میں کیسی مددکروں۔۔۔اب میں سنبھل چکا تھا۔۔۔
اپنی موبائیل بیٹری ہمیں دے دو۔۔۔
موبائیل بیٹڑی۔۔۔ مگر کیا ہے میرے موبائیل میں؟
ہماری کائنات۔۔۔شوستر کی کائنات
موبائیل میں کائنات۔۔میں ہنس دیا۔۔۔ تم ضرور کوئی جادوگرنی ہو۔۔۔ مجھے پھنسانا چاہ رہی ہو۔۔۔
میں جادوگرنی نہیں۔۔۔شوستر ہوں۔۔۔
دیکھو میں سائنس جانتا ہوں۔۔۔ کہکشاں۔۔۔ ایک بیٹری میں نہیں آ سکتی۔۔۔۔
وہ پہلی دفعہ کھلکھلا کر ہنس پڑی
تم سائنس کا صرف از صرف ادنا سا حصہ جانتے ہو۔۔۔مگر ہمیں اس وقت تمہاری ضرورت ہے۔۔۔ اسلئیے ہمیں خود کو تم پر ظاہر کرنا پڑا۔۔۔۔ ہم اس فلیٹ میں پھنس گئے ہیں۔۔۔ اور صرف تمہاری موبائیل کی بیٹری ہمیں آزادی دے سکتی ہے۔۔۔
تو یہ لو۔۔۔ میں ویسے بھی کل نیا موبائیل لوں گا۔۔۔ اب یہ میں نہیں رکھ سکتا۔۔۔ مگر اسکی چپ نکال لوں۔۔۔میں نے پوچھا
ہاں ہاں وہ ہمارے کام کی نہیں۔۔۔ تم موبائیل بھی نہ دو صرف بیٹری دو۔۔۔
اچھا۔۔۔ میں نے بیٹری نکال کر اسکی طرف بڑھائی۔۔۔ اچانک جیسے میرے جسم کو جھٹکا سا لگا۔۔۔ اور ایک گہرے نیلے رنگ کی روشنی میرے جسم پر جیسے چپکتی چلی گئی۔۔۔ اور بیٹری جیسے میرے ہاتھ سے چپک گئی ہو۔۔۔۔کمرے میں تیز روشنی پھیل گئی تھی۔۔۔ ایسے جیسے ہزاروں سورج اکٹھے نکل آئے ہوں۔۔۔ نادر اسکو بیٹری نا دینا۔۔۔۔ یہ ہماری دنیا کی مجرم ہے۔۔۔ مجھے ایک چیختی ہوئی آواز سنائی دی۔۔۔میں نے شوستر کی طرف دیکھا۔۔۔ وہ اب عورت نہیں تھی۔۔۔ وہ ہی آنکھوں والا جانور بن چکی تھی۔۔۔۔ میں نے دیکھا مجھ سے لپٹنے والی روشنی۔۔۔ کھڑکی سے آ رہی تھی۔۔۔جسے میں نے کھلا چھوڑ دیا تھا۔۔۔۔ اور تھوڑی دیر میں روشنی نے ایک روپ دھار لیا۔۔۔ یہ ایک بہت خوبصورت جوان تھا۔۔۔
چیں چاں۔۔۔پوں پاں۔۔پی پی۔۔کاں پی
ہزار انکھوں والی مخلوق سے آواز آئی
جوان۔۔ کے لب ہلے۔۔۔
پک پک پوں پی۔۔۔چوں شاں کی پاں۔۔۔
اور اسکے ساتھ ہی اسکے ہاتھ میں ایک بوتل سی نظر آئی۔۔۔ مخلوق نے کھڑکی کی طرف اڑنا شروع کیا۔۔۔ مگر اسکی رفتار بہت آہستہ تھی۔۔۔ جوان نے بوتل کو منہ سے لگا یا اور پھر بوتل سے روشنی کی ایک دھار نکلی ایسا لگ رہا تھا ایک کالے رنگ کے دھاگے پر روشنی کی ملمع کاری کر دی گئی۔۔۔کالی روشنی۔۔۔ نے ہزار آنکھوں والی مخلوق کو۔۔۔ لپیٹ لیا۔۔ اور تھوڑی دیر میں وہ مخلوق۔۔۔ کالی روشنی میں بندھ چکی تھی۔۔۔ نوجوان نے میری طرف بوتل کا منہ کیا۔۔۔ مم مم مجھے کیوں مار رہے ہو۔۔۔ مگر اب بوتل سے ایک نیلی روشنی مجھ پر پڑرہی تھی۔۔۔ اور مجھے ایسا لگا جیسے میرے جسم میں توانائی آتی جا رہی ہو۔۔۔ اور میں دھڑام سے صوفے پر گر گیا۔۔۔ میرے ہاتھوں سے بیٹری بھی صوفے پر گری تھی۔۔۔ میں نے اسے اٹھایا۔۔ یہ ہے فساد کی جڑ۔۔ اور بیٹری کو کھڑکی کی طرف اچھال دیا۔۔ جوان جیسے اڑتا ہوا بیٹری کے پیچھے گیا۔۔۔ اور بیٹری پکڑ لی
پاگل ہو گئے ہو کیا۔۔۔ اسکی سرگوشی جیسی آواز ابھری
اتنی قیمتی چیز کو ایسے پھینک رہے ہو۔۔۔ واقعیٰ ہی انسان بے وقوف ہے۔۔۔
ارے تم لے لو۔۔۔ اور مجھے چھوڑ دو
ارے تم نے تو ہماری مدد کی ہے، شوستر کو پکڑنے میں۔۔۔ کیا مطلب میں نے شوستر کی طرف دیکھا جو اب کالی روشنی کا ایک ڈھیر لگ رہی تھی
میرا نام اکولا ہے، ہم لوگ، کالی کہکشاں کے رہنے والے ہیں، شوستر ہماری مجرم ہے، اس نے ہماری فوج کی کمانڈر کو قتل کر دیا تھا۔۔۔ مگر پکڑی گئی۔۔۔ کیونکہ یہ ایک طاقتور پُت پری ہے
پُت پری؟
ہاں ہمارے ایک سیارے کی ملکہ۔۔۔سارا سیارہ اسکی اولاد ہے۔۔۔اسلئیے یہ طاقتور بھی ہے۔۔۔ مگر ہماری کہکشاں کی کونسل نے اسے۔۔۔ کہکشاں بدری کی سزا دی، اور اسے تماری دنیا کی کہکشاں کے ایک بلیک ہول میں قید کر دیا گیا۔۔۔ مگر اس اسکول کے ایک اسٹوڈنٹ نے ایک لیزر اسی بلیک ہول پر فائر کی اسکی تصویر لینے اور اسکی ریٹرن میں یہ بھی روشنی کی شکل میں اس زمین پر آ گئی۔۔۔ یہ وقت وہی تھا۔۔۔جب تم کھانا کھانے جا رہے تھے۔۔۔ واپسی پر جب تمہارا موبائیل آن تھا تو اسکی الکائن بیٹری نے اسے ایک آئیڈیا سجھا دیا۔۔۔ کہ وہ ڈیجیٹل سگنل پے سوار ہو کر واپس اپنی گلیکسی میں پہنچ جائے گی۔۔۔ اسکے لئیے اسے انرجی کی ضرورت تھی جو تمہاری بیٹری میں تھی، اگر تمہاری بیٹری اوور چارج نہ ہوتی تو اسے کبھی یہ آئیڈیا نہ آتا۔۔
ہونہہ۔۔۔ مگر ابھی تم نے کہا کہ یہ بیٹری بہت قیمتی ہے۔۔۔
کیا تمہیں شک ہے، ذرا بتاؤ کہ تم نے موبائیل بند بھی کر دیا تھا۔۔ مگر پھر بھی اس پر میسج نظر آ رہے تھے۔۔۔ اصل میں آواز کی لہریں روشنی کی لہروں کو ڈسٹرب کر دیتی ہیں۔۔۔ اس لئیے اسے مشکل ہوئی۔۔۔ اور اس دوران میں اس نے بیٹری کی اوور چارجنگ کو استعمال کر کے اس کو آئی ای پی (انفانائیٹ انرجی پروڈیوسر)میں کنورٹ کر دیا۔۔۔
آئی ای پی، کیا مطلب
مطلب تمہاری یہ بیٹری اب کبھی ختم نہیں ہو گی
اوہ۔۔۔
اور یہ لو اسے سنبھال کہ رکھنا۔۔۔ اسنے ایک ڈسک نما سپول میری طرف بڑھایا۔۔۔ یہ۔۔ پُوں پُوں ہے۔۔۔ اس سے تم ساری کائنات کا کونہ کونہ دیکھ سکتے ہو۔۔۔میں نے دیکھا۔۔۔گول سپول میں ایک اسکرین تھی۔۔۔ جس پر اسی کمرے کا منظر تھا۔۔۔مگر اسمیں صرف میں تھا، نوجوان نہیں تھا۔۔۔ تم نہیں نظر آ رہے۔۔۔ یہاں پریس کرو۔۔۔ میں نے ایک سائیڈ پریس کی۔۔۔
واؤ۔۔۔ مجھے ایک ہزار آنکھوں والی امخلوق اپنے پاس نظر آئی مگر سکرین پر۔۔۔
نوجوان مسکرا رہا تھا۔۔۔
اچھا اب اجازت۔۔ ہمارا بہت وقت ضائع ہو گیا ہے۔۔۔ تمہارا بہت شکریہ۔۔۔۔ خدا حافظ
اسنے میری طرف ہاتھ بڑھایا۔۔میں نے ہاتھ اسکے ہاتھ میں دیا۔۔۔ ایک عجیب چپکتا ہوا اور پلپلا سا ہاتھ تھا۔۔۔ کیا تم بھی خدا کو مانتے ہو؟
تو کیا خدا صرف زمین کا خدا ہے؟ نوجوان کے لہجے میں طنز تھا۔۔۔میں چپ ہو گیا
نوجوان نے ایک ہاتھ سے بندھی ہوئی شوستر کو اٹھایا۔۔۔ ایک بار پھر شکریہ۔۔۔ہمیشہ ایسے ہی ضرورتمندوں کی مددکرنا۔۔۔ خدا حافظ
نوجوان آہستہ آہستہ اڑتا ہوا کھڑکی کے راستے آسمان کی وسعوتوں میں گم ہو گیا۔۔۔میں کافی دیر تک کھڑکی میں کھڑا رہا۔۔۔ پُوں پُوں میرے ہاتھ میں تھا۔۔۔ میں نے سوچا بیگم کو دیکھوں۔۔۔اسکرین پر میرے گھر کے بیڈ روم کا منظر ابھر آیا۔۔۔ یعنی جو سوچوں وہی جگہ دیکھوں۔۔واؤ
ارے بیگم فون پر میرا موبائیل نمبر ملا رہیں تھیں۔۔ اور موبائیل آف ہونے پر مجھے سنا رہی تھیں۔۔ ایک تو آنے دو یہ موبائیل ہی ریل کے نیچے رکھ دوں گی۔۔۔
میں نے جلدی سے صوفے پر بیٹری۔۔ کو اٹھا کر موبائیل میں ڈالا۔۔۔ اور موبائیل آن کر دیا اسی وقت لائن مل گئی۔۔۔ (میں نے چپ نہیں ڈالی تھی)
آپکو میرا کچھ خیال ہے۔۔۔؟ مجھے بلکل نیند نہیں آئی کہ آپ نے کچھ کھایا کہ نہیں۔۔۔
ارے یار کیا ہو گیا ہے تمہیں۔۔۔ میں کوئی پہلی بار گھر سے باہر نکلا ہوں؟
کہاں تھے۔۔ اور موبائیل کیوں بند کیا تھا۔۔۔
وہ وہ۔۔ وہ میں ایک فائدے کا سودا کر رہا تھا۔۔۔
ہاں پتہ ہے۔۔۔ فائدے کا سودا۔۔۔ آپ کا موبائیل تو اب کوئی خرید نہیں سکتا اس لئیے اسکا انتظام میں کروں گی۔۔۔ بیگم نے دانت پیسے
ارے ارے میری جان۔۔۔
جان کے کچھ لگتے۔۔۔
کیا لگتے۔۔۔۔
جائیے۔۔۔
اچھا جاتا ہوں میں نے موبائیل بند کر دیا۔۔۔اور بیگم کو پُوں پُوں پر دیکھنے لگا۔۔۔جو غصے سے لال پیلی ہو رہیں تھیں۔۔۔۔
مجھے تو دال میں کچھ کالا لگتا ہے۔۔۔ آخر کار وہ خود کلامی میں بولیں۔۔۔
دال تو واقعیٰ ہی کالی ہے بیگم صاحبہ۔۔۔
میں نے موبائیل پر گھر کے نمبر ڈائیل کئیے
بیگم صاحبہ دال ہی کالی ہے۔۔۔میرے منہ سے نکلا
آپ کو کیسے پتہ میں کیا سوچ رہی تھی۔۔۔
دل کو گردے سے راہ ہوتی ہے۔۔۔
اچھا۔۔۔ اور پھر میں باتیں کرتا کرتا سو گیا۔۔۔بیگم بھی۔۔۔۔
صبح ۰۱ بجے اٹھا۔۔۔ وہ بھی خان کے بیل بجانے پر۔۔۔ میں نے سوچا کہ خواب تھا یہ سارا۔۔۔
صاب۔۔۔ آپ کو ملنے کوئی آیا ہے
کون ہے۔۔۔
ایک عورت ہے۔۔۔
اچھا بھیج دو۔۔۔۔
میں نے تیزی سے اپنے کپڑے ٹھیک کئیے
صوفے کے کشن ٹھیک کئیے۔۔۔
ڈور بیل بجی۔۔۔
میں نے دروازہ کھولا۔۔۔
آ۔۔۔ تت۔۔ تم
میرے سامنے شوستر کھڑی تھی۔۔۔
کیا مطلب آپ مجھے جانتے ہیں؟۔۔۔ اسکے چہرے پر حیرت تھی۔۔۔
تت۔۔تم۔۔۔شوستر۔۔۔ہو
شوستر۔۔۔ جی نہیں۔۔۔ میں مسز شمائلہ آفتاب ہوں۔۔۔ سامنے کے اسکول کی پرنسپل ہوں۔۔۔ اب اسکے چہرے پر ناگواری تھی۔۔۔ ایک اسٹوڈنٹ کو آپ کا ویلٹ اسکول گیٹ کے سامنے ملا تھا۔۔۔ صبح سے کتنے فون کر کر کے آپ کا پتہ ملا ہے۔۔ تو پتہ چلا کہ۔۔۔ آپ یہاں ہیں تو میں خود آ گئی مجھے پتہ ہوتا کہ آپ اتنے ناشائستہ انسان ہیں۔۔ تو۔۔۔۔اسنے ویلٹ میرے ہاتھ میں دیا
ارے آئی ایم سوری۔۔۔ مگر وہ۔۔۔ لفٹ میں داخل ہو چکی تھی۔۔۔خدا حافظ
میں نے دروازہ بند کیا۔۔۔ عجیب حیرت انگیز اتفاق ہے۔۔۔میں بڑبڑایا۔۔۔ اتنے میں فون کی گھنٹی بجی۔۔۔ کیا تمہیں آرام کے لئیے بھیجا گیا ہے، شہزاد کی آواز سنائی دی۔۔۔ارے یار رات بہت دیر سے سویا تھا۔۔۔ ہاں نئی جگہ میں ایسا ہوتا ہے۔۔۔ اوکے سیکنڈ ہاف میں ایک میٹنگ ہے تمہاری پہنچ جانا۔۔۔ ٹائیم پر
اوکے۔۔۔ باس۔۔۔شہزاد۔۔۔ اس فرم کا مالک تھا۔۔۔ مگر ہم لوگ دوست تھے۔۔۔بچپن کے
میں نے موبائیل آف کر دیا۔۔۔اسی لمحے۔۔مجھے سرگوشی کی آواز سنائی دی۔۔۔ میں نے غور کیا تو پتہ چلا کہ کشن کے نیچے سے آواز آرہی ہے۔۔۔ کشن ہٹایا تو۔۔۔ پُوں پُوں میرے سامنے تھا۔۔۔ اس میں ہزار آنکھوں والی مخلوق نظر آ رہی تھی۔۔۔ سرگوشی پھر سنائی دی۔۔۔
نادر صاحب۔۔۔شوستر نے بتایا ہے، کہ وہ آپکی بلڈنگ کے سامنے کے اسکول میں اتری تھی اورآپ کے سامنے اسکول کی پرنسپل کی شکل میں ملی تھی۔۔۔ اور آپکا ویلٹ بھی اس نے وہاں گرا دیا تھا۔۔
ہاں مجھے پتہ چل گیا ہے۔۔۔ مگر تم نے دیر کر دی بتانے میں۔۔۔
اصل میں میرا اور ٹائیم چل رہا تھا۔۔۔
کس چیز کا۔۔۔
میں اصل میں وقت سے کچھ آگے گیا تھا۔۔ اسلئیے مجھے پروبلم ہو گئی تھی۔۔۔
کیسی پروبلم۔۔۔
آپکی سمجھ میں نہیں آئے گی،ابھی آپ لوگ وقت کو کنٹرول نہیں کر پائے۔۔۔صرف یہ پوں پوں جیسا فون ہی بنانے میں آپ کو چار پانچ صدیاں لگ جائیں گیں۔۔۔
ارے یہ پُوں پُوں فون ہے؟؟۔۔۔۔
ہاں۔۔۔ مگر دوسری طرف آپ کو سننے والاآپکو جن سمجھے گا کہ آپ نظر نہیں آ رہے ہوں گے۔۔۔۔پھر مجھے اسنے اسکے استعمال کا طریقہ بتانا شروع کیا۔۔۔
کیا اسمیں ایف ون نہیں ہے؟
ایف ون کیا؟
ارے بابا ہیلپ۔۔۔
اوہ سمجھ گیا، آپکے کمپوٹرز میں ہوتی ہے، ہے تو سہی مگر آپکو سمجھ نہیں آئے گی۔۔۔
کیا ایسے ٹرانسلیٹ نہیں ہو سکتی۔۔۔یعنی پکچر کی شکل میں۔۔۔
ہاں ہاں۔۔۔ تھوڑا انتطار کریں۔۔۔اور پوں پوں سے تھوڑا دور ہو جائیں۔۔۔
میں نے ایسا ہی کیا۔۔۔
پوں پوں سے سرخ رنگ کی روشنی نکلی اور پھر پوں پوں ایک سرخ گولا بن گیا۔۔۔تھوڑی دیر بعد سرخ روشنی غائب ہو گئی۔۔ اکولا کی آواز آئی۔۔
اب اسکے سب سے اوپر والے گول پھول پر دو بار آہستہ آہستہ مارئیے
میں نے ایسا کیا تو اسکرین پر جیسے ایک انسٹرکشن مووی چلنے لگی۔۔۔
واؤ۔۔۔۔
یہ تو کمال چیز ہے۔۔۔
ہاں ہے۔۔ تو۔۔ آزمائیش شرط ہے
ہماری مدد کرنے کا انعام شکریہ کے ساتھ، ہمارے بادشاہ بھی آپکے شکر گذار ہیں اسکے ساتھ ہی ایک اور ہزار آنکھوں والی تصویر ابھری اور پھر ایک سر سراتی ہوئی آواز آئی
ہم آپکے بہت شکر گذار ہیں۔۔۔ آپنے ہماری سب سے بڑی دشمن کو پکڑنے میں مدد کی۔۔اور ہمیں تباہی سے بچایا۔۔ ہماری پوری کہکشاں آپکی احسانمند ہے۔۔۔
جی بس مجھ سے ہو گیا۔۔۔ احسان کی کیا بات۔۔۔
خدا تمہیں خوش رکھے۔۔۔
میں کیا کہتا۔۔۔جی خدا حافظ
اچھا۔۔۔ اب پھر بعد میں بات ہو گی۔۔۔ خدا حافظ۔۔۔
خدا حافظ۔۔۔میں نے کھوئے ہوئے لہجے میں کہا
یعنی یہ خواب نہیں تھا۔۔۔ ارے بارہ ہو گئے۔۔میں بھاگم بھاگم دفتر کے لئے تیار ہوا۔۔۔
اس دن کے بعد سے میری زندگی میں جو تبدیلی آئی اسکی وجہ سے۔۔۔ میں آج ایک گروپ آف کمپنیز کا مالک ہوں۔۔۔ اور یہ سب پوں پوں کا کمال ہے۔۔۔ جسکا صرف بیگم کو اور مجھے پتہ ہے۔۔۔
اور ہاں۔۔۔ اس دن کے بعد سے وہ موبائیل کبھی بھی چارج نہیں کیا اور نہ ہی۔۔۔کبھی اسکا کوئی بل آیا۔۔۔ کہ اس میں کوئی چپ ہی نہیں تھی۔۔۔ اور دوسری طرف صرف ایک نمبر آتا تھا۔۔۔ جو تھا ۔۔۔ ۳۰۳۱۔۔۔ یعنی اس فلیٹ کا نمبر جہاں یہ سب واقعہ ہوا تھا۔۔۔ اور ہاں وہ اسکول اور بلڈنگ اب میری ملکیت ہیں۔۔۔اور اسکول کی پرنسپل میری ہی ایک کمپنی میں ایم ڈی ہیں۔۔۔ یہ الگ بات کہ میں ہمیشہ ان سے ملنے سے کتراتا ہوں۔۔۔اور وہ ابھی تک اس کو میری مغرور اور خود سر طبیت سمجھتیں ہیں۔۔۔اور میں مسکرا کر رہ جاتا ہوں۔
۔۔۔۔۔۔۔۔۔ ختم شد۔۔۔۔۔۔

راون
اظہر الحق(1990)
آج مندر میں بہت رونق تھی، بڑے مندر کے پنڈت آ رہے تھے، موسی تو صبح سے ہی مندر میں تھی اور مورتی کو سجا رہی تھی ۔۔۔۔ ایک طرف بھجن گائے جا رہے تھے ۔۔ دوسری طرف مرد عورتیں سردھن رہے تھے، بچے بار بار، پرشاد کی تھالیوں پر للچائی ہوئی نظریں ڈالتے اور پھر مندر کی سیڑھیوں پر ۔۔۔ مگر ابھی تک پجاری جی نظر نہیں آئے تھے۔۔
اچانک ایک ٹرک کی آواز آئی، لوگوں نے سوچا کہہ پنڈت جی آگئے۔۔۔ سب لوگ مندر کی سیڑھیوں میں کھڑے ہو گئے ۔۔۔ان کے ہاتھ میں تازے پھولوں کی مالائیں بھی تھی ۔۔۔ وہ ایک نہیں دو فوجی ٹرک تھے، جن کے آگے ایک جیپ تھی ۔۔۔ جیپ مندر کی سیڑھیوں کے آگے آ کہہ رکی ۔۔۔ اس میں سے ایک کیپٹن نیچے اترا ۔ ۔۔
پارووتی کا گھر کون سا ہے؟
پارووتی ۔۔۔ ماسٹر جی نے آگے ہوتے ہوئے فوجی بابو سے پوچھا ۔ ۔
ہاں ہاں۔۔۔ پارووتی ۔۔۔
ارے ماشٹر جی وہ اپنی موسی پارووتی کا پوچھت ہیں پھوجی بابو۔۔۔
ہاں پھوجی بابو۔۔۔ادھر تو ایک ہی پارووتی ہوے ہے، موسی ،۔۔۔۔۔ ارے مکیس جرا جا کہ موسی کو تو بلا لا۔۔۔ وہ ماتا کے قدموں میں ہی بھیٹھی رہتی ہے۔۔ ۔ بڑی بھاگوان ہے ۔۔۔
اسکا بیٹارام ہے؟
ہاں ہاں وہ ہی۔۔۔۔ وہ بھی پھوجی ہے تہاری طرح۔۔۔
وہ کشمیر میں شہید ہو گیا ہے ۔۔۔۔
سہید ہو گیا ہے، یہ سہید کیا ہووے ہے پھوجی بابو
ادھر مارا گیا ہے، درشٹ پاکستانی آتنک وادیوں کے ہاتھوں۔۔۔
آتنک وادیوں کے ہاتھوں ۔۔۔ ایک نوجوان نے آگے بڑھ کہ حیرانی سے پوچھا۔۔۔ ہم تو روز یہ سنتے ہیں کہ ادھر آتنک وادی مارے جاتے ہیں ۔۔۔
ارے کیا بات کرتے ہو۔۔ بچے صبح سے یہ چوتھی لاش دے رہے ہیں ۔۔۔ ایک سکھ فوجی نے لقمہ دیا ۔۔۔
مان سنگھ۔۔۔ دس از پبلک پلیس ۔۔۔ڈونٹ یو انڈرسٹینڈ۔۔۔
سور ی سر جی وہ۔ ۔۔
اتنے میں موسی باہر آئی ۔۔۔
میں ہوں پارووتی ۔۔۔ پھوجی بابو ۔۔۔رام میرا بیٹا ہے ۔۔۔
رام وطن کی رکھشا میں شہید ہو گیا ہے ۔۔۔ آتنک وادیوں کے ہاتھوں ۔۔۔
رام شہید ہو گیا ہے ۔۔۔ اسے مار دیا ہے ۔۔۔ موسی مندر کی آخری سیڑہی پر سر پکڑ کر بیٹھ گئی ۔۔۔ ماتا ۔۔ تو نے کیا کیا۔۔۔ میرے جیون کا سہارا لے لیا ۔۔۔ اس کے بین سن کر سارے مندر میں اداسی سی چھا گئی ۔۔۔ پچھلے ٹرک سے ۔۔۔ ترنگے میں لپٹا ہوا تابوت اتارا گیا ۔۔ ۔ اور پریڈ کے انداز میں ۔۔ ۔ اسے رکھا گیا ۔۔۔
ماسٹر جی نے ارتھی لانے کو کہا اور ۔۔۔ رام کی میت کو ۔۔۔ تابوت سے نکالا گیا ۔ ۔۔ اسکا چہرہ ۔۔۔ خراشوں سے بھرا ہوا تھا۔۔۔موسی اس سے لپٹ گئی ۔۔۔۔۔ رام میرا بچہ۔۔۔ بھگوان تو نے یہ کیا کر دیا ۔۔۔ وہ رو رہی تھی ۔۔۔ چلا رہی تھی ۔۔۔ مگر جانے کیا سوچا اسنے اور پھر روتے روتے رک گئی ۔۔۔ اور آسمان کی طرف نظر اٹھا کر بولی ۔۔۔ دیکھ ماتا ۔۔۔ میں نے اپنا بیٹا بھارت ماتا پر دان کر دیا ہے ۔۔۔ کسمیر اٹوٹ انگ ہے ۔۔۔ کوئی سملہ نہیں ۔۔۔ کسمیر ہمارا ہے ۔۔ ۔ درشٹ پاکستانیوں کا نہیں۔۔۔ وہ رو ز روز کے جملے دہرا رہی تھی ۔۔۔ کہ کہیں سے ۔۔ ایک کیمرامین آ گیا ۔۔۔ موسی ابھی جو کہا ہے دوبارہ کہو ۔۔۔
پھر تو جیسے موسی نے تقریر شروع کر دی ۔۔۔ میرا بیٹا بھارت ماتا کی رکھشا میں سہید ہواء ہے ۔۔۔ کسمیر کی رکھشا میں شہید ہوا ہے ۔۔۔ کشمیر اٹوٹ انگ ہے ۔۔ کوئی ٹرٹی (ٹریٹی) نہیں ۔۔ کوئی سملہ نہیں ۔۔۔ کوئی لاہور نہیں ۔۔۔۔
اسکی نظر رام پر گئی ۔۔۔ اور پھر وہ میت سے لپٹ گئی ۔۔۔ رام ۔۔ میرا رام ۔ ۔میرا بیٹا۔۔ وہ اسکو چومنے لگی ۔۔۔ اچانک اسنے اسکے سیدھے ہاتھ کو چوما تو اسکی مٹھی بند تھی ۔ ۔۔ اس نے حیرانی سے اسے دیکھا ۔۔۔ اسمیں ایک پھولدار کپڑا پھنسا ہوا تھا۔۔۔ اسپر ایک بٹن بھی تھا ۔۔۔ موسی نے وہ کپڑا کھینچا ۔۔ ۔۔اور اسے تھوڑی دیر تک دیکھتی رہی۔۔ ۔
پھر اسنے اچانک ۔۔ رام پر تھپڑ برسانے شروع کر دئیے ۔۔ ۔۔ تو پاپی ۔۔ تو نے کس سیتا کو نوچا ہے ۔۔ ہتھیارے ۔ ۔۔ تونے کس کی لاج لوٹی ہے ۔۔۔۔ تو رام نہیں تو راون ہے تو رام نہیں تو راون ہے ۔۔ ماتا تونے یہ کیا کیا ۔۔۔ میری تپسیا کا ایسا پھل ۔۔۔ کیوں دیا ۔ ۔۔ ماتا تو نے کیا کیا ۔ ۔۔ اور وہ مندر کی سیڑھیاں چڑھتی چلی گئی ۔۔۔۔
کیمرا مین نے ۔۔۔ اس کپٹرے کے ٹکڑے کو فوکس کیا ۔۔۔ جوہوا پر اڑتا جا رہا تھا ۔۔۔۔ اور پھر اگلے گھنٹے کی خبروں میں موسی کو ۔۔ اپنے بیٹے کی میت پر دوہتھڑ برساتے ہوئے دیکھایا گیا ۔۔۔ اور ساتھ ہی ۔۔۔ ایک کپڑے کا ٹکڑا اڑتا ہوا دیکھایا گیا ۔۔ اور سکرین پر الفا ظ ابھرے۔۔۔
کشمیر کونفلکٹ (Kashmir Confilict)
۔۔۔۔۔۔۔۔۔۔۔۔۔۔۔۔۔۔۔ ختم شد۔۔۔۔۔۔۔۔۔۔۔۔۔۔۔۔۔

میں سٹوڈیو سے نکل کر ہمیشہ کی طرح بوفیز میں پہنچا تو دیکھا کہ میری مخصوص میز پر کچھ الٹرا ماڈرن قسم کی لڑکیوں نے قبضہ کیا تھا، ویٹر جو میری پسندیدہ جگہ جانتا تھا، میری طرف دیکھ کر مجبور سی مسکراہٹ کے ساتھ ایک خالی میز کی طرف اشارہ کیا، میں بھی مسکرا کر ابھی کرسی پیچھے کر ہی رہا تھا کہ ایک آواز آئی
ارے اطہر تم ۔ ۔ ۔ ۔ ۔
اوہ عابد ۔ ۔۔ ۔ تم ۔۔۔ ۔
پھر ہم گرمجوشی سے گلے ملے ، یار تم ، کہاں ہوتے ، یار تم مجھے بھول جاؤ گے یہ تو میں سوچ بھی نہیں سکتا،
ارے ملتے ہی گلے، میں نے منہ بنا کر کہا
ہاں گلہ نہ کروں تو کیا کروں پتہ ہے پورے تین سال بعد ملے ہو، انسٹی ٹیوٹ کے بعد ۔ ۔۔ اسکے الفاظ مجھے ماضی میں لے گئے
ہاں، تین سال ، آٹھ مہینے ، بارہ دن ، چار گھنٹے ۔ ۔۔ میرے منہ سے الفاظ جیسے بہنے لگے ۔ ۔ ۔ ۔
ہونہہ ، ابھی بھی وہیں ہو ۔ ۔ ۔ ۔ عابد کا لہجہ عجیب ہو گیا،
پتہ نہیں، میں جیسے کسی گہری نیند سے جاگا تھا، ارے یار، مجھے تو بھوک لگ رہی ہے ، قسم سے پچھلے پانچ گھنٹے سے کچھ نہیں کھایا ۔۔ ۔ ۔۔
اطہر ، ا ب کیا کہوں تم سے ،ذرا بھی نہیں بدلے ۔ ۔ ۔
کیسے بدلوں ۔ ۔ ۔
یار سچی بات تو یہ ہے کہ ، میں تم سے کافی عرصے سے ملنا چاہتا تھا، اور وہ کرسی سے اٹھ کھڑا ہوا
ارے یار چائے تو پی لو،
نہیں یار، دیر ہو جائے گی ، اور میری بی وی مجھے گھر میں گھسنے نہیں دے گی ۔۔ ۔
ہیں ۔۔۔ تم نے شادی کر لی ۔ ۔۔ کب
یار تم میرے ساتھ گھر چلو ، میں نے اسکے لہجے میں ایک عجیب سی بے بسی محسوس کی ۔ ۔ ۔ وہیں کھانا کھا لیں گے
مگر ۔۔۔ میں نے عابد کی آنکھوں میں التجا دیکھی تو بول اٹھا
ٹھیک ہے ، ٹھیک ہے ، میں بھی گھر فون کر لوں ۔ ۔ ۔
تو کیا تم نے بھی ۔ ۔ ۔۔ ۔
ارے نہیں یار ، میں تو آوارہ پنچھی ہوں ۔ ۔ ۔ اکیلا ہی ان سڑکوں کا راہی ، ہم سڑک پر تھے ، عابد ایک ٹیکسی کو روک چکا تھا ، وہ دراصل ماما پریشان ہو جاتیں ہیں ۔ ۔
یار گھر سے ہی کر لینا ، وہ میرے ساتھ پچھلی سیٹ پر بیٹھ گیا، آنٹی کیسی ہیں ،
اچھی ہیں ، تمہیں کبھی کبھی یاد کرتیں ہیں ۔۔۔۔
اور تم ۔ ۔ ۔
میں تو صرف ایک ہی یاد کرتا ہوں ۔ ۔ ۔ اس بے وفا کا شہر ہے اور ہم ہیں دوستو ۔۔ ۔
میں اسی کے سلسلے میں تم سے ملنا چاہتا تھا، عابد نے مجھے چونکا دیا
رافعہ کے لئے ۔۔۔ میرے منہ سے نکلا
ہاں ۔۔ ۔ مگر پھر ایک دم اسکا لہجہ بدل گیا، میں بھی کیا ذکر لے بیٹھا
نہیں عابد آج بہت دن بعد میرے ہونٹوں پر اسکا نام آیا ہے، میں تو ۔۔ ۔ میں تو ۔ ۔ ۔
دھیرے یار ۔۔ ۔ میری آواز شاید کافی بلند ہو گئی تھی، میں تمہیں کچھ بتانا چاہتا ہوں ۔ ۔۔
کیا ، ۔ ۔ ۔ مجھے اسکا لہجہ بہت پرسرار لگا ۔ ۔ ۔
دیکھ ہی لو گے ۔ ۔ ۔اس نے چپ سادھ لی ۔ ۔ ۔ ٹیکسی جانی پہچانی سڑکوں سے گذرنے لگی ، پھر ایک موڑ پر میں چونک اٹھا ، اسی موڑ پر میں پہلی بار رافعہ سے ملا تھا، اور پھر اسی کا ہو کر رہ گیا تھا، مگر اسنے مجھے ٹھکرا دیا تھا ۔ ۔ ۔ بہرحال عابد میرا ہمراز دوست تھا، ہم تینوں کلاس فیلو تھے ، ٹیکسی انٹی ٹیوٹ کے سامنے سے گذر رہی تھی ۔ ۔۔ ۔

اطہر تمہیں یہ جگہ یاد ہے ؟ ۔۔۔ ۔
ہاں ۔ ۔۔ ۔ یہ بھول سکتا ہوں میں ۔ ۔ ۔ میں جب بھی ادھر سے گذرتا ہوں ۔ ۔۔ تو بہت کچھ یاد آتا ہے ۔ ۔ ۔ بہت کچھ میں نے گہری سانس لی ۔ ۔ ۔ مگر کافی عرصہ ہوا ادھر آیا نہیں ۔ ۔ ۔ پتہ نہیں کیا کچھ بدل گیا ہو ۔ ۔ ۔
بہت بدل گیا ہے ، سب پرانے لوگ چلے گئے ہیں ۔۔ ۔ ۔ نئے ٹیچر ہیں سارے ۔ ۔ ۔ ۔
ہاں ۔ ۔ ۔ پرانے لوگ چلے ہی جاتے ہیں۔ ۔ ۔ مگر یادیں کبھی پرانی نہیں ہوتیں ۔ ۔ ۔ کبھی نہیں جاتیں کہیں نہیں جاتیں ۔ ۔ ۔
لگتا ہے تم ابھی تک اسی شاک میں ہو ، کچھ نہیں بھولے
کون بھول سکتا ہے اس طرح ٹھکرائے جانے کو ۔ ۔ ۔

ہاں میں نے تمہارے کچھ ڈرامے دیکھے ہیں ، ان میں تمہارا یہ احساس مجھے بہت نمایاں نظر آتا ہے ۔ ۔ اور تم خود ایسے رول بھی تو کرتے ہو ۔ ۔اسنے ٹیکسی کو ایک سڑک پر مڑنے کا اشارہ کیا ۔ ۔ ۔
ہونہہ ۔ ۔۔ شاید صحیح کہ رہے ہو ۔ ۔ ۔ آں ۔ ۔ تم نے اپنی شادی کا نہیں بتایا کب ہوئی ۔ ۔ ۔ ۔میں نے موضوع بدلتے ہوئے پوچھا ۔ ۔ ۔
بتا دوں گا ، ہاں ادھر روک دینا ۔ ۔ ۔ عابد نے ٹیکسی ڈرائیور کو رکنے کو کہا ۔۔ ۔اور اپنا ویلٹ نکال کر کرایہ ادا کر دیا
لو بھائی یہ ہے ہمارا غریب خانہ ۔ ۔۔ عابد نے میرے ہاتھ سے سکرپٹ لیتے ہوئے کہا ۔ ۔ ۔
ہونہہ ۔ ۔۔ غریب خانہ ۔ ۔ میں نے اسکے وصیح و عریض بنگلے پر نظر ڈوڑائی ۔۔ ۔عابد نے بیل پر ہاتھ رکھ دیا
گاڑی نہیں ہے ۔ ۔ ۔ میں نے پتہ نہیں کیوں پوچھا
یار دونوں ورکشاپ میں ہیں ۔ ۔ آفس کی گاڑی یوز کر رہا ہوں ۔۔۔ آجکل ۔ ۔۔
دروازہ کسی ملازمہ نے کھولا تھا ، عابد میرا ہاتھ پکڑ کر اند ر داخل ہو ۔۔ ۔ وعلیکم سلام ۔ ۔ رجو ۔ ۔ بیگم صاحبْہ کہاں ہیں ، عابد نے اسکے سلام کا جواب دیا
وہ جی اپنے کمرے میں آرام کر رہی ہیں
جاؤ ان سے کہو اپنے ہاتھ کی اچھی سی چائے بنا لائیں، آج ایک بہت ہی خاص مہمان ہمارے گھر آیا ۔ ۔ ۔ مجھے پتہ نہیں کیوں عابد کا لہجہ کھوکھلا لگا ۔ ۔
اچھا جی ۔ ۔ رجو دوسری طرف مڑ گئی ، آؤ اطہر ۔ ۔ وہ مجھے ایک طرف کھنچ کر ڈرائنگ روم میں لے گیا ۔ ۔ ۔
واہ بھئی خوب ٹھاٹھ ہیں، میں نے سجاوٹ کی تعریف کرتے ہوئے کہا ۔ ۔
بس یار ۔ ۔ ۔اللہ کا کرم ہے ، اور ہماری بیگم صاحبْہ کا کمال ہے، اچھا تم کیا کر رہے ہو آج کل اداکاری و فنکاری کے علاوہ
اداکاری کے علاوہ بھی اداکاری ہی کر رہا ہوں زندگی کے سٹیج پر ، میں نے مسکراتے ہوئے کہا ۔ ۔ ۔ اور تم ؟؟
ایک فرم کا ڈائریکٹر ہوں ۔ ڈرامے کا نہیں ، کام کا ۔ ۔
میں ہنس دیا ۔ ۔ ۔ پھر کچھ دیر ہم خاموش ہو گئے ۔ ۔۔ جیسے کچھ کہنے کو نہ ہو، کہ اندر والے دروزے سے کھڑکھڑاہٹ کی آواز آئی ۔ ۔ ۔ ۔
لو بھئی چائے آگئی اور ہماری بیگم بھی ، میں اٹھ کھڑا ہوا، عابد کہ رہا تھا، یہ میرے دوست ۔۔ ۔ ۔ مگر نہیں تمہیں تعارف کی کیا ضرورت ، تم تو ایک دوسرے کو جانتے ہو

پھر میری آنکھیں جیسے چندھیا گئیں، ایک دھچکا سا لگا دل کو ، زبان کنگ ہو گئی ۔ ۔ ۔۔ میرے منہ سے اتنا ہی نکلا ۔ ۔

رافعہ ۔ ۔۔ آپ ۔۔۔۔۔۔ عا۔۔۔۔بد ۔۔۔۔۔ یہ یہ ۔۔۔۔ میرا سر چکراتا ہوا محسوس ہوا، آنکھوں میں ایک دم اندھیرا چھا گیا ۔۔۔۔ میرے سامنے ، میری تمنا، میری آرزو، میری چاہت ۔۔۔ رافعہ ۔۔۔۔عابد کی بی وی کے روپ میں کھڑی تھی ۔۔۔۔ وہ ہی رافعہ جس نے مجھے ٹھکڑا دیا تھا، میں صوفے میں گرتا چلا گیا ، عابد میری کیفیت سمجھ چکا تھا ارے ارے کر کے میری طرف لپکا ۔۔ ۔ اور پھر جیسے میں بے ہوش ہو گیا ۔ ۔ ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اطہر، اطہر کیا ہوا، آنکھیں کھولو ۔۔ ۔ ۔اسکے ہاتھ میں پانی کا گلاس تھا ۔ ۔۔۔ایک ہلکی سی سسکی سنی میں نے ، عابد مجھے سہارا دے کر اٹھا رہا تھا، مگر میں نے اسے اشارے سے منع کر دیا،میں ٹھیک ہوں۔ ۔۔ ۔ یہ سب ۔۔۔ یہ سب کیا خواب ہے ؟ میں نے لڑکھڑاتے ہوئے لہجے میں پوچھا ۔۔۔۔
نہیں ، یہ حقیقت ہے، بھیانک حقیقت ، تمہارے لئے بھی اور میرے لئے بھی ۔۔۔۔وہ مجھ سے نظر چراتے ہوئے بولا
مگر مگر یہ ہوا کیسے ۔۔۔۔ تم تم تو اسے صحیح طرح سے جانتے بھی نہ تھے ۔۔۔۔۔ وہ۔۔۔ وہ ہے کہاں ۔۔۔ میں نے رافعہ کمرے میں نہ پا کر بولا
اپنے کمرے میں چلی گئی ہے ، کہ رہی تھی مجھے تمہیں ادھر نہیں لانا چاہیے تھا، وہ ایک لمبی سی سانس لے کر بولا
ہاں ٹھیک ہی تو کہ رہی ہے ، مجھے یہاں نہیں آنا چاہیے تھا۔ مجھے چلا جانا چاہیے ، میں اٹھ کھڑا ہواء

نہیں تم نہیں جاؤ گے۔۔۔ تمہیں وہ سب جاننا ہو گا جو میرے ساتھ ہواء ، اطہر قدرت کے اس مذاق پر میں بھی ہنسوں گا تم بھی ہنسو گے ، اسنے مجھے کندھوں سے پکڑ کر بیٹھا دیا
نہیں یار میں تمہاری زندگی میں زہر نہیں گھولنا چاہتا۔ ۔۔ میں نے ایک بار پھر اٹھنے کی کوشش کی
اور خود کڑہ کڑہ کر مرنا چاہتے ہو ؟ عابد نے تیز لہجے میں جواب دیا
یکطرفہ محبت کا یہی انجام ہوتا ہے ، میری آواز بھرا گئی
یکطرفہ ، وہ چیخ اٹھا ، کس نے کہا کہ تمہاری محبت یکطرفہ تھی، کس نے کہا؟ اسنے ایک بار پھر مجھے بٹھا دیا اور میرے پہلو میں آبیٹھا
یکطرفہ نہیں تو اور کیا ۔۔۔۔ اسنے کبھی میرے متعلق سوچا ہی نہ تھا
جھوٹ ہے یہ۔۔۔ وہ تمہیں چاہتی تھی ۔ ۔۔ اور ۔۔۔ اور شاید چاہتی ہے ۔ ۔۔ تمہیں پتہ ہے تمہارے سارے ڈراموں کا انتخاب ہے اسکے پاس اور اکثر تمہارے سین باربار دیکھتی ہے
تمہارے سامنے ، میں نے حیرت سے پوچھا
ہاں اس نے مجھ سے کچھ نہیں چھپایا ۔ ۔ ۔ اپنی زندگی کا ایک ایک پل مجھ پر عیاں کر دیا ، وہ محبت کی پیاسی تھی ۔۔۔ اسے بھی چاہے جانے کا ارمان تھا ۔۔۔ میں نے اسے پیار دیا ۔ ۔ ۔ مگر شاید عابد کا نہیں ۔ ۔۔ تمہارا ۔ ۔ ۔ اطہر کا۔ ۔۔ وہ تمہیں اب بھی چاہتی ہے اطہر ۔ ۔ ۔ اب بھی ۔ ۔ ۔

وہ مجھے اب بھی چاہتی ہے ، میرے دل میں ایک لہر اٹھی ، وہ مجھے چاہتی ہے مگر وہ تو اسکی بیوی ہے ۔۔۔۔ اور یہ وہ سب مجھے کیوں بتا رہا ہے ۔۔ ۔ میں سوچ رہا تھا مگر کچھ بھی سمجھ نہیں پا رہا تھا وہ کہ رہا تھا

اطہر وہ تمہیں چاہتی ہے ، پہلے بھی چاہتی تھی اب بھی چاہتی ہے
نہیں نہیں ۔۔۔ میں چیخ اٹھا۔۔۔ اسنے کبھی مجھے نہیں چاہا۔۔۔ تم لوگوں کے سامنے انکار کیا تھا ۔۔ ۔ نہیں عابد اسنے مجھے کبھی نہیں چاہا ۔ ۔ ۔
اطہر تمہیں اصل حالات کا علم نہیں۔۔۔ تمہیں مسرت یاد ہے، وہی جس کے تھرو تم نے اس تک پیغام پہنچایا تھا ۔ ۔۔ ارے وہ لمبی سی لڑکی۔ ۔ ۔ اسکی ایک ہی تو سہیلی تھی ۔ ۔۔
ہاں ہاں مجھے یاد ہے ، میں نے کھوئے ہوئے لہجے میں کہا
وہی اصل کردار ہے تمہارے ڈرامے کی ۔ ۔
وہ ۔۔۔ مگر کیسے ۔۔۔ میں حیران ہو گیا تھا
میں تمہیں تفصیل بتاتا ہوں
نہیں عابد مجھے اندھیرے میں ہی رہنے دو ، میں تمہاری زندگی کوخراب نہیں کرنا چاہتا ۔۔۔ مجھے اندھیرے میں ہی رہنے دو ، ایسا نہ ہو کہ ۔ ۔۔ میں ۔۔۔۔ میں ۔۔۔ میرا سر جھک گیا ۔ ۔ ۔
نہیں اطہر ۔۔۔ تمہیں جاننا ہو گا ۔۔۔ تم گھر فون کر کہ بتا دو کہ آج رات تم یہاں رہو گے میرے پاس ۔ ۔۔
تمہارے پاس۔۔۔۔
ہاں میرے پاس ۔۔۔ گھر کا نمبر بتاؤ ۔۔ اسنے کارڈلیس اٹھاتے ہوئے کہا۔۔۔ اور پھرمیں گھر میں بتا دیا

رجو ۔۔رجو ۔۔۔ کھانا تیار ہو گیا ہے کیا ۔۔۔ عابد نے آواز لگائی۔۔۔۔
رجو چلی گئی ہے ۔۔۔۔۔
وہ کمرے میں داخل ہوئی تو میرے دل میں پھر سے وہی ہلچل شروع ہو گئی۔۔۔ مگر خود کو سنبھالنا پڑا۔۔۔۔ میں نے نظر اٹھا کر دیکھا۔۔۔ اسکی مترنم آنکھیں بتا رہی تھیں کہ وہ روئی تھی
چلیں کھانا لگا دیا ہے میں نے
مجھے اسکی آواز کوسوں دور محسوس ہوئی ، حتہ کہ ہمارے درمیان فاصلہ بہت کم تھا۔۔۔ ہم کھانے کی میز پر آئے ۔۔۔ کھانا خاموشی سے کھایا گیا۔۔۔ بلکہ کیا کھایا گیا ۔۔۔ میں تو چمچ اور کانٹے سے کھیلتا رہا ۔۔۔ اور شاید وہ دونوں بھی ۔۔۔ کھانے کے بعد ہم صوفوں پر بیٹھ گئے
اطہر چائے پیو گے ۔۔۔ عابد نے پوچھا
نہیں
تم نے کچھ کھایا بھی تو نہیں
میں زیادہ نہیں کھاتا ۔۔۔ تم تو جانتے ہی ہو
ہاں جانتا ہوں
اچھا اب جانے دو مجھے
کیسے جانے دوں ابھی تو کوئی بات ہوئی ہی نہیں
نہیں عابد میں کوئی بات نہیں کرنا چاہتا
عابد نے میرے لہجے کی سختی محسوس کی تو وہ رافعہ کی طرف مڑا
رافعہ تم اسے حقیقت بتاؤ
حقیقت ۔۔۔ رافعہ کے منہ سے نکلا۔۔۔۔ آپ جانتے ہیں کہ اب میں سب بھول جانا چاہتی ہوں۔۔۔ میری حقیقت صرف آپ ہیں ۔۔۔صرف آپ ہیں عابد
رہی بات انکی تو میں انہیں ایز اے رائٹر لائیک کرتی ہوں ۔۔۔ اور کوئی واسطہ نہیں ۔۔۔کوئی رشتہ نہیں
وہ منہ پر ہاتھ رکھکر اندر چلی گئی
میں اٹھ کھڑا ہواء
عابد مجھے جانے دو ، کیوں میری وجہہ سے اپنی ازداوجی زندگی خراب کرتے ہو مجھے جانے دو عابد مجھے جانے دو
نہیں اطہر تمہیں سننا ہو گا۔۔۔ جو میں کہوں گا۔۔۔ عابد کا لہجہ سخت ہو گیا
اچھا کہو ۔۔۔ میں نے ہی ہار مان لی
جب تم نے رافعہ کو پروپوز کیا تھا تو اس سے دو ہفتے پہلے ہی مسرت رافعہ کو تمہارے متعلق اپنے جذبات بتا چکی تھی ۔۔۔ اسلئے رافعہ نے تمہیں ریجیکٹ کیا ۔۔۔ اور پھر مسرت کے ساتھ تم رافعہ کے لئے اٹیچ رہے تو مسرت کی غلط فہمی نے تمہیں اسکی نظروں میں ایک نیا روپ دے دیا۔۔۔ اور پھر تم تینوں کے درمیان ایک مثلث بن گئی۔۔۔ رافعہ اگر تمہیں اپناتی تو مسرت کو دکھ ہوتا۔۔ اور اگر تمہیں مسرت کے جذبوں کا علم ہوتا تم اسے انکار کر دیتے ۔۔۔ اور مسرت تمہیں کچھ کہتی تو رافعہ کو دکھ ہوتا ۔۔۔ غرض تم تینوں ایک دوسرے سے ملے ہوئے تھے۔۔۔ مگر تمہارے درمیان ایک مثلث تھی ۔۔۔ اور پھر تم تینوں نے قربانی دی ۔۔۔ رافعہ نے تمہیں چھوڑا ۔۔۔ تم نے رافعہ کو اور مسرت نے تم کو ۔۔۔ یعنی تم نے ایک دوسرے کو ایک دوسرے کی خاطر چھوڑا۔۔۔
اور تم نے اپنا لیا۔۔۔۔ پتہ نہیں میرا لہجہ تلخ کیوں تھا
وہ پھیکی سی ہنسی سے میرے لہجے کو اگنور کر گیا
نہیں میں تو رافعہ کے متعلق جانتا بھی نہ تھا ، صرف تمہارے توسط سے وہ ذہن میں تھی ، گھر والوں نے رشتہ طے کیا ، مجھے جب نام پتہ چلا تو میں صرف اسے مشہابہت سمجھا۔۔۔ مگر جب پتہ چلا تو میں کچھ نہ کر سکا ۔۔۔ میری شادی میری والدہ کی خواہش تھی ۔۔۔ میں انکار نہ کر سکا۔۔۔ پھر بعد میں میں نے تمہیں بہت ڈھونڈا مگر۔۔۔
میں تو یہیں تھا۔۔۔۔ ایک دنیا مجھے جانتی ہے ۔۔۔ میں تمہیں نہیں ملا ۔۔۔ میں نے ہنستے ہوئے کہا
ہاں ایک دنیا تمہیں جانتی ہے ۔۔۔ تب مجھے احساس ہوا کہ ایک مشہور آدمی سے ملنا کتنا مشکل کام ہے ۔۔۔ خیر اب ملے ہو تو مجھے بہت کچھ سوچنا ہے
تم کچھ نہ سوچوعابد ۔۔۔ سب بھول جاؤ ۔۔۔اسی میں تمہاری بھلائی ہے ، میری بھلائی ہے ، ہم سب کی بھلائی ہے
مگر اطہر تم نے اپنی زندگی کو دکھوں کی آماجگاہ بنا رکھا ہے ، تمہارے خیالات ایک ہی محور پر گھومتے ہیں کہ ، تمہیں ٹھکرایا گیا ہے
نہیں عابد۔۔۔ اب تم میرے خیالات کو بلند پاؤ گے، بس یہی قلق تھا ۔۔۔ کہ مجھے کسی نے نہیں چاہا۔۔۔ مگر آج جانا کہ مجھے بھی چاہا گیا تھا اور چاہا جاتا ہوں
اطہر تمہیں ایک دنیا چاہتی ہے اور تم کہتے ہو تمہیں نہیں چایا گیا
ہونہہ دنیا کی چاہت۔۔۔ یہ دنیا تو ہر اس چیز کو چاہتی ہے جو سامنے ہو ۔۔۔ذرا اوجھل ہونے پر یوں بھولتی ہے جیسے اسکا وجود ہی نہ تھا
آخر ہو نا ڈرامہ نگار ڈائلاگ ہی بولو گے ۔۔۔ میں تو چاہتا ہوں ۔۔۔ کہ اگر تم اسے اپناؤ تو میں ۔۔۔ میں رافعہ کو تمہاری خاطر چھوڑ سکتا ہوں۔۔۔۔۔۔
کیا۔۔۔۔۔میں چیخ اٹھا اور اسکا گریبان پکڑلیا ۔۔۔ عابد ۔۔میرا ذہن گھومنے لگا ۔۔۔ کیا کہا تم نے ۔۔۔۔ کیوں کہا تم نے یہ ۔۔۔ اسکے الفاظ میرے لئے ایٹم بم سے کم نہ تھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نہیں عابد نہیں ۔۔۔۔ میں اپنی زندگی کا دکھ بڑھانا نہیں چاہتا ۔۔۔اور تمہیں کوئی دکھ نہیں دینا چاہتا
ارے میرے لئیے لڑکیوں کی کیا کمی ہے
نہیں ۔۔۔۔اور لڑکیوں اور رافعہ میں بہت فرق ہے دوست ۔۔۔ نہیں تو لڑکیاں تو میرے ساتھ بھی بہت ہیں ، ہر ڈھب کی ، چاہنے والیاں ، جان دینے والیاں
مگر کوئی رافعہ نہے۔۔۔۔۔اسنے جیسے زبردستی بولا
بیشک نہ ہو۔۔ مگر میرے لئے تم یہ قربانی نہ دو۔۔۔میں نے تو اسے صرف چاہا ہے۔۔ اور وہ بھی یکطرفہ طور پر۔۔۔ مگر تم نے تو اسے پایا ہے ۔۔۔ اپنایا ہے۔۔۔ یاد رکھو اس چیز کے جانے کا اتنا غم نہیں ہوتا ۔۔جو تمہاری پہنچ سے دور ہو ۔۔۔مگر جو چیز تمہارے پاس ہو اسکی جدائی مشکل سے برداشت ہوتی ہے
تم صحیح کہ رہے ہو اطہر ۔۔۔ شاید اسی لئیے رافعہ مجھے چاہنے بھی لگی ہے ۔۔۔ بہت چاہتی ہے وہ مجھے۔۔۔ اسکا لہجہ عجیب تھا مجھے جیسے ایک زخم لگا گیا ۔۔۔ میں پھیکی سی مسکراہٹ سے بولا
ہاں عابد ہر وفا شعار بی وی اپنے مجازی خدا کو یونہی چاہتی ہے ۔۔ خدا تم دونوں کو خوش رکھے۔۔۔ اور مجھے اجازت دو۔۔۔ میں اٹھ کھڑا ہواء
اس وقت کہاں جاؤ گے ، رات کے دو بج رہے ہیں ۔۔ ٹیکسی بھی نہیں ملے گی ۔۔۔
ہم آوارہ منش ہیں یار ۔۔۔ پیدل ہی نکلیں گے
نہیں اطہر رات ادھر ہی رہو
نہیں عابد اب میرا یہاں رکنا بہتر نہیں
اطہر ۔۔۔۔ اسکے لہجے میں احساس جرم تھا
عابد ۔۔۔ سمجھا کرو
میں نے اسکا کندھا تھپتپایا اور پھر باہر آ گیا۔۔۔باہر کی سنسان سڑکوں پر میں اکیلا چل رہا تھاْ۔۔۔ ایک طوفان سا تھا خیالات کا۔۔۔ عابد ۔۔۔۔ رافعہ ۔۔۔۔ مسرت ۔۔۔میرے زہن میں یہ نام گڈمڈ ہو رہے تھے ۔۔۔میں نے واقع ہی رافعہ کو دل و جان سے چاہا تھا۔۔۔اور اسکے ٹھکرائے جانے کے بعد سے زندگی کو بے کیف سمجھتا تھا ۔۔۔۔ مگر زمانے کی رنگینناں مجھے بہت کچھ بھلا دیتی تھیں ۔۔۔اور آج کا واقعہ ۔۔۔۔
میں ایک فٹ پاتھ پر بیٹھ گیا ۔۔۔ایک گاڑی والے نے لفٹ کی آفر کی اور میں گھر آ گیا۔۔۔ کئی دن گذر گئے عابد نے مجھے چار پانچ بار فون کیا اور مجھ سے ملنے کی کوشش بھی کی ۔۔۔ مگر میں جان بوجھ کر اجتناب کیا ۔۔۔۔

ایک دن میں سٹوڈیو میں اپنے ڈرامے کی ریکارڈنگ میں مصروف تھا ، کہ پتہ چلا کہ کوئی خاتون مجھ سے ملنا چاہتی ہیں ، میں سوچ بھی نہیں سکتا تھا کہ رافعہ ایسے مجھ سے ملے گی ، میں نے اسے اندر بلا لیا ، اور اسے کہا کہ میں اپنی ریکارڈنگ پوری کرتا ہوں آپ شوٹنگ دیکھیں۔۔۔ اور میں سیٹ پر اپنے ڈائلاگ بولنے لگا
روبی ۔۔۔تم جانتی ہو جب کسی انسان کو ٹھکرا دیا جاتا ہے تو وہ جیتے جی مر جاتا ہے ، غھکرائے ہوئے انسان کی پہچان مٹ جاتی ہے ، وہ خود کو تنہا کر دیتا ہے ، گمنام کر دیتا ہے ۔۔ مگر ایسے انسان مرنے کے بعد ایک نیا جنم لیتے ہیں ۔۔۔جس میں وہ صدا کے لئیے زندہ رہتے ہیں ۔۔۔۔ یہ دنیا انہیں چاہتی ہے۔۔۔ انہیں پوجتی ہے ۔۔۔ مگر یہ نہیں سوچتی ۔۔۔ کہ اگر اس شخص کو زندگی میں اتنا چاہا جاتا تو شاید وہ زیادہ عظیم ہوتا ۔۔۔ اور زیادہ عظیم ہوتا۔۔۔۔

کٹ ۔۔۔ پروڈیوسر کی آواز ابھری ۔۔۔ گڈ شو اطہر۔۔۔ اوکے پیک اپ۔۔۔۔میں رافعہ کی طرف بڑھتا چلا گیا
ارے آپکی آنکھوں میں آنسو؟
اطہر آپ ایسے کردار کیوں کرتے ہیں
کیوں کہ میں ہوں ہی ایسا
نہیں آپ ایسے نہیں ہیں ۔۔۔۔ میں آپ سے کہنے آئی تھی ۔۔۔
جی کہیے۔۔۔۔
اطہر آپکی آمد نے ہماری ۔۔۔ میرا مطلب ہے ۔۔۔ میری اور عابد کی زندگی میں ایک دھماکہ کر دیا ہے ۔۔۔آپ کی آمد سے ہمارے درمیان پھر سے ایک مثلث بن گئی ہے ۔۔۔ میں عابد اور آپ ۔۔۔ مثلث بن گئے ہیں
مثلث ۔۔۔ میں چونک گیا
نہیں رافعہ میں یہ مثلث نہیں بننے دوں گا۔۔۔ میں دور چلا جاؤں گا۔۔۔ میں سمجھ گیا تھا کہ میری وجہہ سے انکے درمیان کیا ہو رہا تھا۔۔۔۔
اطہر میرا مطلب یہ نہیں ۔۔ آپ عابد کو سمجھائیں جو ہونا تھا ہو چکا ۔۔۔اور اب آپ ہماری زندگی میں زہر نہ گھولیں ۔۔ پلیز
رافعہ ۔۔۔ آپ مطمئن رہیں ۔۔۔ ایسا کبھی نہیں ہو گا
رافعہ چلی گئی ۔۔۔ میں اسے جاتے دیکھتا رہا اور سوچتا رہا، زندگی ایسے بھی دور ہوتی ہے ۔۔۔۔
دوسرے دن عابد کو فون کیا ۔۔۔
عابد کچھ مت کہنا۔۔۔صرف میری بات سننا۔۔۔ میں جا رہا بہت دور ۔۔۔زندگی کے کسی موڑ پر تم سے ملوں تو اجنبی سمجھ کر فراموش کر دینا۔۔۔ میں تمہارے اور رافعہ کے اور اپنے درمیان وہ منحوس مثلث نہیں بنانا چاہتا جو کبھی میرے ، مسرت اور رافعہ کے درمیان میں تھی ۔۔۔ جسکی وجہہ سے آج ہم تینوں کی زندگی جہنم بنتی جا رہی ہے
اسئلیے یہ مثلث اب کبھی بھی نہیں بنے گی ۔۔۔
میں نے رسیور رکھ دیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گو عابد کو کہ تو دیا تھا مگر ۔۔۔ اسے نبھانا ۔۔۔۔ اور جیسے وقت کی رفتارتھم گئی تھی ، شاید میں اسے بھلا نہ پایا تھا، اسنے کہا تھا کہ میں نے اسکی زندگی میں زہر بھر دیا ہے ، مگر اسکی ایک جھلک نے مجھ سے میرا آپ چھین لیا تھا۔۔۔میں نے لکھنا چھوڑ دیا تھا۔۔ تمام پرفارمنگ آرٹس کو بھی ختم کر دیا تھا۔۔۔ رات رات بھر صفحے کالے کرتا ۔۔۔ اور میری ردی کی ٹوکری بھرتی رہتی ۔۔۔
گھر میں ماما کے سوا کون تھا۔۔۔ اور ماں تو سب جان لیتی ہے ۔۔۔ ایک دن انکے بھی صبر کا پیمانہ چھلک گیا ۔۔۔
زی یہ کیا ہے ۔۔۔۔۔ وہ مجھے پیار سے زی کہتی تھیں
ماما ۔۔ ماما ۔۔۔میں نے کچھ کھو دیا ہے ۔۔۔ ماما ۔۔۔ میں کسی کے لئیے دکھ کا باعث بنا ہوں۔۔۔ میں نے انکے گھٹنوں میں سر رکھ دیا ۔۔۔
زی ۔۔۔ تم نے کسی کو دکھ دیا۔۔۔ ناممکن ۔۔۔ کتنا مان تھا انہیں مجھ پر۔۔۔ میرا بیٹا سب کچھ کر سکتا ہے ۔۔۔ مگر کسی کو دکھ نہیں دے سکتا۔۔۔ ناممکن ۔۔۔ انہوں نے میرے بالوں میں انگلیاں پھیرتے ہوئے کہا
اچھا ۔۔ بتاؤ کیا ہواء ہے ؟ مجھے نہیں بتاؤ گے ۔۔۔ اپنی ماما کو ۔۔ اپنی فرینڈ کو۔۔۔۔
ماما۔۔۔ ایک دوست اپنی دوستی کو امر کر گیا ۔۔۔ اور دوسرا اسکے لئیے۔۔۔ میری آواز بھرا گئی ۔۔۔۔ ماما میرا ماضی مجھے ایک تحفہ دے گیا ہے ۔۔۔اور میرا حال ۔۔۔ میرا مستقبل۔۔۔ کچھ نہیں کچھ نہیں ۔۔۔۔ میں بے ربط بول رہا تھا۔۔۔
زی ۔۔۔ وہ کسی شاعر نے کہا ہے نا
کل کاماضی ، آج کا حال ، کل کا مستقبل ہو گیا
جسنے پیچھے مڑ کہ دیکھا، وہ پتھر کا ہو گیا
زی زندگی جمود کا نام نہیں ۔۔۔ حرکت کا نام ہے ۔۔۔ ماضی کبھی حال نہیں ہو سکتا ۔۔۔ اور حال کبھی مستقبل نہیں ہو سکتا۔۔ سو جیو تو آج میں ۔۔۔ سیکھو تو ماضی سے ۔۔۔ سوچو تو مستقبل کا ۔۔۔
مگر ماما ۔۔۔ یاد ماضی ۔۔۔ میں نے کچھ کہنا چاہا ۔۔۔
نہیں زی کچھ نہیں ۔۔۔۔سب ٹھیک ہو جائے گا۔۔۔۔ ٹی وی پر حامد علی کی آواز آ رہی تھی
گذر گیا جو زمانہ اسے بھلا بھی دو
جو نقش بن نہیں سکتا اسے مٹا بھی دو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پتہ نہیں یہ محبت بھی کیا چیز ہے ۔۔۔ اسکا کوئی قانون نہیں کوئی قاعدہ نہیں ۔۔۔ اور جب یہ ہو جائے تو بس ہو جاتی ہے۔۔۔ اور یہ دوستی ۔۔۔ یہ اس سے بھی عجیب ہوتی ہے ۔۔۔۔ یار کی خاطر دنیا کو لٹا دیا جاتا ہے ۔۔۔ کسی مذہب کسی قانون ۔۔۔ کسی معاشرے کی نہیں سنتے یہ لوگ۔۔۔ اور قربان ہو جاتے ہیں۔۔۔
عاشق اور دوست سدا روتے ہیں ۔۔۔ عاشق محبوب سے وصل کی خاطر ، ہر نظام سے ٹکرا کر خود کو پاش پاش کر لیتا ہے ۔۔۔ اور دوست ۔۔۔دوست کی خاطر اپنا جیون اندھیر کر لیتا ہے ۔۔۔
ہمارے لئے دوستی اور محبت دو الگ الگ رشتے ہیں ۔۔۔ مگر دونوں کا مقصد ایک ہی ہے ۔۔۔قربانی ۔۔۔ ہم ایک دوسرے کی خاطر جیتے ہیں مرتے ہیں ۔۔۔ مگر اپنی بے بسی اور بے ثباتی کی وجہہ نہیں مانتے۔۔۔
اور جب بھی کوئی ۔۔۔ دل کو بھا جائے یا دل کسی کی طرف کھنچا چلا جائے تو ۔۔۔ محبوب کا اکثر جواب نفی میں ہوتا ہے ۔۔۔ گو وہ سب جانتا ہے ۔۔۔ مگر محبوب ۔۔اگر عشق کو تسلیم کر لے ۔۔۔ تو شاید یہ دنیا ۔۔۔۔ برائیوں سے پاک ہو جائے ۔۔۔ مگر ایسا ہوتا نہیں۔۔۔۔ یہاں دوستی نبھانے کے لئیے قربانی چاہیے ۔۔۔ یہاں عشق کے لئیے اپنی ذات کو بھولنا پڑتا ہے ۔۔ ۔ میرے ساتھ بھی کچھ ایسا ہی تھا۔۔۔۔

میں نے رافعہ کے بعد کچھ عرصہ ۔۔۔آوارگی میں گذارا ۔۔۔ مگر جب کہیں سکوں نہ ملا تو ۔۔۔صرف ماما کے کہنے پر جاب کی تلاش شروع کر دی ۔۔۔ اور پھر شاید وقت کو مجھ پر رحم آہی گیا۔۔۔ مجھے ایک ماہنامے میں ایڈیٹر کی جاب مل گئی ۔۔۔اور میں زمانے کی رنگین و سنگین داستانیں پڑھنے لگا۔۔۔ مگر کیسے۔۔۔۔
ہر لفظ کتابوں میں تیرا عکس لئیے ہے
اک پھول سا چہرہ ہمیں پڑھنے نہیں دیتا

ماما نے میری کیفیت سمجھ لی تھی اور ۔۔۔ ایک پروڈیوسر سے کہ کر مجھے لکھنے پر مجبور کیا ۔۔۔ تو دل کا غبار اپنی کہانی "مثلث” کی صورت میں نکلا۔۔۔۔ اور پھرے یہ کہانی اسکرین کے بنیادی مراحل سے گذرنے لگی ۔۔۔
ریکارڈنگ کے دوران میں کئی دفعہ ۔۔۔ ذہن ی کشمکش کا شکار ہوا ۔۔۔۔ خصوصاً وہ سین جب میری رافعہ سے پہلی ملاقات فلمائی گئی ۔۔۔ میرا کردار کرنے والے فنکار نے (جو مجھے اپنا آئڈئیل کہتا تھا) اپنی جاندار اداکاری اور مکالموں کی ادائیگی سے مجھے میرے حواس پر چھا گیا ۔۔۔۔
یہ سب دیکھ کر ماما نے میری شادی کے لئیے تگ و دو شروع کر دی
میں شادی نہیں کرنا چاہتا ۔۔۔
کیوں ۔۔۔ ماما کے لہجے میں جانے کیا تھا میں لرز کہ رہ گیا
بس ماما ۔۔۔ ابھی نہیں ۔۔۔
ابھی نہیں تو کیا ۔۔۔ میرے مرنے کے بعد۔۔۔
ماما۔۔۔ میں نے بے بسی سے انکی گود میں سر رکھ دیا۔۔۔
زی ۔۔۔ اب مجھ میں دکھ اٹھانے کی ہمت نہیں۔۔۔ تم دس ماہ کے تھے جب تمہارے پاپا نے ہمیں تنہا چھوڑ دیا ۔۔۔ تو تمہارے دادا دادی نے ہمیں گھر سے بے گھر کر دیا ۔۔۔ مگر میری صحافت کی ڈگری کام آئی ۔۔۔۔ اور میں نے ایک چھوٹے اخبار میں نوکری کر لی ۔۔۔ اور آج تمہیں اس مقام پر پہنچایا کہ مجھے فخر ہے اپنے بیٹے پر ۔۔۔۔ میں نے تمہیں کوئی بھی گرم سرد نہیں ہونے دیا ۔۔۔ چاہے مجھے آگ اور برف سے لڑنا پڑا ۔۔۔۔ ماما باربار کی دہرائی ہوئی کہانی سنا کر رو دیں

مجھے ایسا لگا جیسے میں کسی اجڑے باغ میں کھڑا ہوں ۔۔ وہ کہ رہیں تھیں
زی ۔۔۔ میں نے تم سے کبھی کچھ نہیں مانگا ۔۔۔ میں تم سے صرف ایک خوشی مانگتی ہوں ۔۔۔ شادی کر لو۔۔۔ زی میرے لئے ۔۔۔ پلیز ۔۔۔۔ وہ پھوٹ پھوٹ کر رو دیں۔۔۔ اور میں ماں کی مامتا سے ہار گیا ۔۔۔
ٹھیک ہے ماما ۔۔۔ آپ جو چاہیں کریں ۔۔۔ میں نے انکے آنسو پونچھتے ہوئے کہا ۔۔۔ ماما نے مجھے اپنے سینے سے لگا لیا

اور پھر شادی کی تیاریاں شروع ہو گئیں ۔۔۔ مگر بدقسمتی نے شاید میرا گھر دیکھ لیا تھا ۔۔۔۔ ایک دن شاپنگ سے واپسی پر ۔۔۔ جب ماما کار ڈرئیو کر رہیں تھیں میں ساتھ والی سیٹ پر تھا ۔۔۔ کار کی ڈکی اور پچھلی سیٹ رنگ برنگے ڈبوں اور شاپرز سے بھری ہوئی تھی ۔۔۔ کہ سامنے سے آنے والی کوچ ۔۔۔ سڑک کے درمیان بنی پتھر کی پٹی پھلانگتی ہوئی سڑک پر سیکڑوں گاڑیوں کو چھوڑ کر صرف ہماری گاڑی پر چڑھ دوڑی ۔۔۔ اور پھرنہ جانے کیا ہواء ۔۔۔۔ لوگوں کی چیخیں تھیں ۔۔۔ اور رنگ برنگے شاپرز ایک ہی رنگ میں رنگتے چلے گئے ۔۔۔میری آنکھوں میں اندھیرا چھانے لگا ۔۔۔ تو میں نے ان ڈوبتے لمحوں میں سوچا ۔۔۔چلو اس دکھ بھری زندگی سے نجات ملی ۔۔۔۔ مگر یہ طوفان تو کچھ اور ہی چاہتا تھا ۔۔۔میں زندہ رہ گیا ۔۔۔ میری ماں ۔۔۔ میری دوست ۔۔۔ میرے اتنے بڑے بے فضول بدن کو سینچنے والی ۔۔۔ میرا سب کچھ ۔۔۔ مجھ سے بچھڑ گئی ۔۔۔۔ میں پاگل ہو گیا ۔۔۔ گھر کاٹ کھانے کو دوڑتا ۔۔۔آفس میں ذہن الجھا رہتا ۔۔۔ سب لوگ عجیب نظر آتے ۔۔۔ جب کوئی ہنستا تو اسکی آواز صور کی آواز لگتی ۔۔۔میری یہ کیفیت کئی ہفتے رہی ۔۔۔ میں نے چھٹیاں لے لیں ۔۔۔ اور دنیا سے کٹ گیا ۔۔۔ میں تھا ۔۔ تنہائی ۔۔۔ سگریٹ پینا چاہتا تو ماما کا چہرہ سامنے آجاتا جنہوں نے مجھے ۔۔۔ اس سگریٹ سے اتنی نفرت دلائی کہ کبھی خواب میں بھی اسکو ہاتھ نہ لگاتا ۔ ۔
وقت بھی عجیب چیز ہے کبھی تو ایسا رکتا ہے جیسے ساری دنیا ساکت ہو ۔۔۔ اور کبھی ۔۔۔ آندھی طوفان بن جاتا ہے ۔۔۔ وقت کا مرہم لگا تو میں آفس آگیا ۔۔۔ مگر میری خمار آلود آنکھیں مجھے الگ تھلگ ہی رکھتیں تھیں ۔۔۔۔میں اس کیفیت سے کبھی باہر نہ آتا مگر ایک دن ۔۔۔ فون کی گھنٹی بجی ۔۔۔ رسیور اٹھایا ۔۔۔۔
اطہر ہیں ؟
جی بول رہا ہوں۔۔
اطہر ۔۔۔ آپ کیوں ہمارے لئیے عذاب بن رہے ہیں؟
میں رافعہ کی آواز سن کر جیسے ہوش میں آگیا ۔۔۔
راف۔۔۔ رافعہ ۔۔۔ مم ۔۔۔مم ۔۔ میں ۔۔ عذاب ۔۔۔
ہاں میں رافعہ ہوں ۔۔۔۔ آپ جب ہر طرف سے مایوس ہو گئے تو اب یہ ڈرامے بنانے لگے ۔۔۔۔۔۔ہیں ۔۔۔ کیا کر لیں گے آپ ۔۔۔ میں آپکی تھی ۔۔۔اور نہ ہوں ۔۔۔ اور نہ کبھی ہو سکتی ہوں ۔۔۔ چاہے بیسوں ڈراموں میں آپ اپنا رونا روئیں ۔۔۔۔انڈر سٹینڈ یو ۔۔۔۔۔
رافعہ سنیں تو ۔۔۔۔۔
اب سننے کو رہ کیا گیا ہے ۔۔۔ ہم نے سوچا تھا کہ شاید آپ اپنی دوستی کی مثال کو زندہ رکھیں گے ۔۔۔ اور دنیا کو دکھوں سے لڑنا سکھائیں گے ۔۔۔ مگر ۔۔۔
میں کیا سکھاؤں گا ۔۔۔ میں خود ہار گیا ہوں ۔۔۔ میں تو ۔۔ میں تو ۔۔ مر گیا ہوں ۔۔۔
نہیں مرتے آپ جیسے لوگ۔۔۔ ہم جیسے کتنوں کو مار کہ مرتے ہیں ۔۔۔۔
تو آپ چاہتیں ہیں کہ میں مر جاؤں ۔۔۔۔؟؟
میرے چاہنے یا نہ چاہنے سے کیا ہوتا ہے ۔۔۔۔ انسان کی ہر خواہش تو پوری نہیں ہوتی نا ۔۔۔۔ اس کے لہجے میں بے بسی تھی ۔۔۔ اور زہر بھرا ہوا تھا ۔۔۔۔ میں ہنس دیا
اوکے ۔۔۔ رافعہ آپ کو یہ خوشخبری بھی جلد ملے گی ۔۔
اب کیا خوشخبری ملے گی ۔۔۔ اب تو آپ مر جائیں ۔۔۔ یا مجھے مار دیں ۔۔۔۔مجھے مار دیں ۔۔۔۔
رافعہ ۔۔۔ رافعہ ۔۔۔ مگر فون بند ہو چکا تھا ۔۔۔۔
میں نے ٹی وی کا نمبر ملایا ۔۔۔ پروڈیوسر صاحب ایک دم خوشی سے بولے ۔۔۔۔اطہر تھنکس کے تم نے بھی خبر لی ۔۔۔ارے تمہارا ڈرامہ ۔۔۔۔
سر پلیز اسے آن ائیر نہ جانے دیں ۔۔۔۔
کیا کہ رہے ہو اطہر ۔۔۔ وہ تو ۔۔۔
سر یہ میری زندگی اور موت کا سوال ہے ۔۔۔
اطہر سمجھنے کی کوشش کرو ۔۔۔ ہم نے سپانسر بک کر لئیے ہیں ۔۔۔ جو تمہارے نام کی وجہہ سے ہیں اور ۔۔۔ پھر اسکا ٹریلر دیکھا چکے ہیں ۔۔۔ لوگ تو منتظر ہیں اس ٹراینگل لو اسٹوری کے ۔۔۔۔اور وہ نئی اداکارہ ۔۔۔
سر پلیز اسے روک دیں ۔۔۔۔
اب ایسا ممکن نہیں ۔۔۔ گھر پر جا کہ ٹریلر دیکھنا ۔۔۔ میری ایک ریکارڈنگ ہے ۔۔ میں خود تمہارے گھر آؤں جب ڈرامہ آن ائیر جائے گا ۔۔۔
سر ۔۔۔ سر مگر فون ایک بار پھر بند ہو چکا تھا ۔۔۔۔

گھر آکر میں نے نہ چاہتے ہوئے بھی ٹی وی آن کر دیا ۔۔۔ اشتہار چل رہے تھے ۔۔۔ کہ اچانک میں چونک پڑا ۔۔۔

کل شب کو دیکھیے مشہور رائیٹر اطہر ہاشمی کا لکھا ہوا مثلث
مثلث ۔۔ جذبوں کی کہانی
مثلث ۔۔ دوستی کی کہانی
مثلث ۔۔۔ قربانی کی کہانی
اور پھر کلائمکس سین دیکھایا گیا ۔۔۔۔جسنے میرے دل میں ہلچل مچا دی ۔۔۔یہ سین تھا ۔۔۔ عابد کی بی وی کے روپ میں رافعہ سے میری ملاقات کا ۔۔۔۔میرے ذہن میں چنگاریاں اڑنے لگیں ۔۔۔میں نے آنکھیں بند کر لیں ۔۔۔ مگر آواز سنائی دی ۔۔۔۔ آپ کی آمد نے ہماری زندگی میں زہر گھول دیا ہے ۔۔۔۔میں نے ٹی وی بند کر دیا ۔۔۔ مگر لفظوں کی بازگشت نے میرا پیچھا نہ چھوڑا ۔۔۔۔میں نے نیند کی گولیوں کی شیشی انڈیل لی ۔۔۔۔ مگر صر ف دو گولیاں ۔۔۔ مگر شاید اتنی مقدار ہی مجھے ایک رات تک کے لئے کافی تھی ۔۔۔ آج ابھی میں گھر میں داخل ہواء ہی تھا کہ فون کی گھنٹی بج اٹھی ۔۔۔عابد کا فون تھا ۔۔۔ اس نے اسی انداز سے بات کی جیسے کبھی میں نے اس سے کی تھی ۔۔۔۔
اطہر کچھ مت کہنا ۔۔۔ تم ہم سے دور نہیں جا سکتے ۔۔۔ اسلئیے ہم تم تو کیا ۔۔۔ اس شہر ۔۔۔ اس ملک کو ہی چھوڑ کر جارہے ہیں ۔۔۔ کوشش کرنا کہ اب کبھی کوئی رابطہ نہ ہو ۔۔۔ میں ۔۔۔میں رافعہ کے لئیے ساری دنیا چھوڑ سکتا ہوں ۔۔۔ کہ میں اسکا ہوں ۔۔۔وہ میری ہے ۔۔۔ گو تم جیسے دوست کو بھولنا مشکل ہو گا ۔۔۔۔مگر ۔۔۔اطہر ۔۔۔لوگ مر بھی تو جاتے ہیں نا۔۔۔۔ہم سمجھیں گے کہ تم مر گئے ہو ۔۔۔
میں کیا کہتا ۔۔۔ وہ رو رہا تھا ۔۔۔ کچھ کہ رہا تھا ۔۔۔ اپنی دوستی کے بارے میں ۔۔۔ اپنی محبت کے بارے میں ۔۔۔ اپنی بے بسی کے بارے میں ۔۔۔ شاید کچھ اور بھی ۔۔۔مگر میں رسیور رکھ چکا تھا ۔۔۔
اب میرے پاس کچھ بھی نہیں ۔۔۔ نہ رافعہ جیسی محبوب ۔۔۔ نہ عابد جیسا دوست ۔۔۔ نہ ماما جیسی ماں ۔۔۔ کچھ بھی تو نہیں ۔۔۔ تو پھر میں کیوں ہوں ۔۔۔ میں نے نیند کی گولیوں کی شیشی کھول کر انڈیلنا چاہی مگر ۔۔۔ یہ کیا ۔۔۔ خالی ۔۔۔ فون پھر چیخا ۔۔۔ پروڈیوسر صاحب تھے ۔۔ کہ رہے تھے ۔۔۔ کہ کچھ دیر بعد میرا ڈرامہ آن ائیر ہو رہا ہے۔ ۔ ۔ جسکے ہزاروں لوگ منتظر ہیں۔۔۔ میں کیا کروں ۔۔۔ ڈرامہ ۔۔۔رافعہ ۔۔۔عابد ۔۔۔محبت ۔۔۔ ماما ۔۔۔کوئی بھی تو نہیں میرے ساتھ ۔۔۔ میرے سر میں آگ سی لگ گئی ہے ۔۔۔ دھڑکن بڑھ گئی ہے ۔۔۔۔ سر پٹھا جا رہا ہے ۔۔۔ رافعہ ۔۔۔۔ یہ تم نے اچھا نہیں کیا ۔۔۔
پتہ نہیں کیوں ٹی وی آن کر دیا ہے میں نے ۔۔۔ مگر اسمیں آواز کیوں نہیں ۔۔۔۔ تصویر کی جگہ روشنی ۔۔۔۔ صرف روشنی ۔۔۔۔ میں دیکھ نہیں پا رہا ہوں کیا۔۔۔ کیا میں مر رہا ہوں ؟ ۔۔۔نہیں نہیں میں مرنا نہیں چاہتا ۔۔۔ ابھی تو مجھے اپنا ڈرامہ دیکھنا ہے ۔۔۔۔مے ۔۔۔مم۔۔۔۔مے مے ۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹی وی پر آخری سین چل رہا تھا ۔۔۔ جب دروازہ کھلا ۔۔۔ اور پروڈیوسر صاحب اندر داخل ہوئے ۔۔۔
اطہر ۔۔۔اطہر ۔۔۔تمہارے ڈرامے کی اتنی بڑی کامیابی ۔۔۔ ابھی ڈرامے کے دوران ہی لوگ پوچھ رہے ہیں کیا یہ سب سچ ہے ۔۔ ۔۔۔اطہر ۔۔۔اطہر ۔۔۔ مگر اطہر کا سر ایک طرف ڈھلک گیا ۔۔۔
اوہ مائی گاڈ ۔۔۔۔
انہوں نے جلدی سے ایمبولینس کو فون کیا ۔۔۔

اطہر اپنی آخری کامیابی تو دیکھتے جاتے ۔۔۔۔
اطہر کے کردار کی آواز گونجی ۔۔۔۔
کچھ مت کہنا ۔۔۔۔صرف میری بات سنو ۔۔۔ میں جا رہا ہوں ۔۔۔ بہت دور زندگی کے کسی موڑ پر اگر تم سے ملوں بھی تو اجنبی سمجھ کر فراموش کر دینا ۔۔۔ میں تمہارے اور تمہاری بی وی کے درمیان وہ منحوس مثلث نہیں بننا چاہتا ۔۔۔ جو کبھی اسکے اور میرے درمیان بنی تھی ۔۔۔

آج اس بات کو کئی برس بیت چکے ہیں میں اب بھی اسی شہر میں ہوں اور وہ بھی اسی علاقے میں ۔۔۔ مگر جب فاصلے اپنے پیدا کئیے ہوئے ہوں تو نزدیکیاں بھی دوریاں بن جاتیں ہیں ۔۔۔۔مگر اب میری تحریروں میں ٹھکرائے جانے کا عنصر نہیں ہوتا ۔۔۔ بلکہ ہر تحریر ایک مثلث بناتی ہے ۔۔۔ ملن ۔۔ جدائی اور تنہائی کے درمیان ۔۔۔ اور اسی طرح کی کتنی ہی مثلثیں میری کہانیوں کا عنوان ہیں ۔۔۔ وہ اب بھی مجھے جانتے ہوں گے ۔۔۔ مگر کسی اور نام سے ۔۔۔ کہ میں نے تحریر کا انداز ہی نہیں بدلا بلکہ ۔۔۔ نام بھی بدل لیا ہے ۔۔۔ جیسے کہ کوئی تھا ہی نہیں ۔۔۔۔

اور پھر آخری ٹایٹل چلنے شروع ہوئے ۔۔۔ اطہر کی اپنی آواز گونجی ۔۔۔

یہ میری کہانی ہے ۔۔۔ میرے دوستوں کی کہانی ہے ۔۔۔ میرے چاہنے والوں کی کہانی ہے ۔۔۔ میں اس کہانی میں آپ کو بہت کچھ دے رہا ہوں ۔۔۔ مگر میرے ہاتھ میں کچھ بھی نہیں ۔۔۔ اور اب میں خالی ہاتھ ہوں ۔۔۔۔ اور شاید یہ میری آخری کہانی بھی ہو !!!!
اینبولینس آ گئی ہے جناب ۔۔۔
ہونہہ ۔۔۔پروڈیوسر صاحب چونک پڑے ۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹی وی پر خبریں چل رہیں تھیں ۔۔۔
مشہور ادیب اور اداکار جناب اطہر ہاشمی کل دماغ کی شریان پھٹنے سے انتقال کر گئے ۔۔۔ انکی عمر پینتیس برس تھی ۔۔۔ وہ اپنی جذباتی اور فطری اداکاری اور کردار نگاری کے حوالے سے جانے جاتے تھے ۔۔۔ ادبی حلقوں میں انکا خلا ایک مدت تاک پر نہیں ہو سکتا ۔۔۔
ٹیلی فون کی گھنٹی بجی ۔۔۔
ہیلو ۔۔۔ جی موجود ہیں
مسرت تمہارا فون ہے ۔۔۔۔
مسرت نے ریسیور پکڑا ۔۔۔ ہیلو ۔۔۔۔
جی ۔۔۔ اوہ ۔۔۔ جی وہ میری دوست ہے
کیا۔۔۔۔ وہ چیخ اٹھی ۔۔۔نہیں ۔۔۔کب ۔۔۔
اور کچھ سننے کے بعد مسرت نے ریسیور رکھ دیا
کیا ہوا ۔۔۔مسرت کے شوہر نے پوچھا
وہ میری سہیلی تھی نا رافعہ ۔۔۔
ہاں ہاں وہ عابد کی بی وی ۔۔۔ ماشااللہ بہت اچھی جوڑی ہے ۔۔
وہ دونوں ائیر پورٹ جاتے ہوئے ۔۔۔ مسرت پھوٹ پھوٹ کر رو پڑی
اوہ ۔۔ نو ۔۔۔ ویری سیڈ ۔۔۔۔
میں تمہارے لئیے پانی لے کر آتا ہوں تم ادھر بیٹھو۔۔۔
شوہر ابھی اندر گیا تھا ۔۔۔ کہ ڈور بیل بجی ۔۔۔۔ مسرت نے آنکھیں پونچھتے ہوئے دروازہ کھولا ۔۔۔اوہ فرح ۔۔۔ دونوں ایک دوسرے سے لپٹ گئیں ۔۔۔ رافعہ نہیں رہی ۔۔۔ ہاں میں بھی اسی کا سن کر آئی ہوں ۔۔۔۔
کون آیا ہے مسرت ۔۔۔۔مسرت کا شوہر پانی کا گلاس لئیے اندر داخل ہوا۔۔۔۔
میری دوست ہے ۔۔۔فرح ۔۔۔رافعہ کا سنکر آئی ہے ۔۔۔ابھی ہم ۔۔۔ اسکی طرف جائیں گے ۔۔۔
اور فرح کی نظر جیسے ہی مسرت کے شوہر پر پڑی ۔۔۔ اسے شاک سا لگا ۔۔۔ عارف ۔۔۔۔آپ ۔۔۔۔
مسرت نے آگے بڑھ کر فرح کو سنبھالا ۔۔۔ مسرت یہ ۔۔یہ وہ ہی عارف ہیں ۔۔۔جس سے ۔۔۔۔۔۔
اور مسرت آگے کچھ نہ سن سکی ۔۔۔۔ اسکی آنکھوں کے سامنے مثلثیں ناچنے لگیں ۔۔۔۔۔۔۔۔۔۔

۔۔۔۔۔۔ اختتام ۔۔۔۔۔۔۔۔

ہم کریں گے کمال، ذرا حکومت جانے دو
اپنے پھر ماہ و سال، ذرا حکومت جانے دو

دیکھو کیسے گرتے ہیں ، بُت بڑے بڑے
دیکھنا ہمارا اب کمال ، ذرا حکومت جانے دو

انصاف عدالت کرے گی ، عوام ورنہ لڑے گی
کس کا مُنہ ہو گا لال ، ذرا حکومت جانے دو

تیر اور بلے سے کریں گے شیر کا ہم شکار
ہو گی پھر ہر طرف دھمال، ذرا حکومت جانے دو

سوئی قوم کو ہم دیکھاتے ہیں خواب نئے نئے
جاگنے کا چھوڑو خیال ، ذرا حکومت جانے دو

عدالت اپنی ، طاقت اپنی ، فوج و عوام بھی اپنی
امریکہ وی ہو گا نال، ذرا حکومت جانے دو

سب سیاہ ست والے ہیں ، ایک جیسے ہی اظہر
کم نہیں ہو گا استحصال ، بے شک حکومت جانے دو

جی ہاں ، پاکستان ضروری تو نہیں ، دنیا پاکستان کے بنا بھی چل رہی تھی نا تو پاکستان کیوں بنا ؟ اس اگست میں میں نے سوچا ہے کہ پاکستان کے حق میں کوئی بات نہ کی جائے ، کہ پاکستان کے حق میں تو بات کرنے والے بہت ہیں ، پاکستان کے مخالف تو نہ ہونے کے برابر ہیں ، اس لیے میں پاکستان کے خلاف بولوں گا ۔ ۔ ۔ یہ بالکل ایسے ہی ہے جیسے کسی تقریری مقابلے میں حق میں اور مخالفت میں تقاریر ہوتی ہیں ، میں کسی مقابلے کا حصہ تو نہیں ہوں ۔ ۔ مگر میں نے موضوع کی مخالفت میں بولنا ہے ، کر لو جو کرنا ہے !!

تو بات ہو رہی تھی کہ پاکستان ضروری تو نہیں تھا ، بلکہ بقول ہمارے الطاف بھائی کے پاکستان دنیا کا سب سے بڑا “بلنڈر“ تھا ، پہلی بات ہے یہ نام ہی غلط ہے ، پاکستان یعنی پاک سر زمین ، یعنی ہندوستان کی زمین ناپاک تھی جو یہ پاک زمین بنائی گئی ، اور یہ پاک زمین بھی تو ناپاک ہندوستان ہی تو تھی ، ہم نے تو نام بدل دیا ، بالکل ایسے جیسے بمبئی کا نام ممبئی کر دیا گیا یا کلکتہ کا نام کولکتہ ہو گیا ۔ ۔ ۔ تو بنارس چنائی بن کہ بدل تو نہیں گیا ؟ اس لیے پاکستان کی زمین بھی پاک نہیں ہوئی ، گو آزادی کے وقت اسے لاکھوں بے گناہوں کے خون سے بھی دھویا گیا اور آج تک دھویا جا رہا ہے

اصل میں لوگ پاکستان کے قیام کو ہی غلط سمجھتے ہیں کیونکہ آج ساٹھ سال بعد ہمیں پتہ چلا ہے کہ پاکستان ایک سیکولر ملک کے طور پر بنا تھا ، اور آج تک ہم جو اسلام کو پاکستان سے جوڑتے رہے ہیں وہ سب غلط ہے ، اس سلسلے میں ہمارے بہت بڑے بڑے دانشور اپنی تحقیق سے ثابت کر چکے ہیں کہ اسلام کا پاکستان سے دور دور تک کوئی تعلق نہیں ، قائد اعظم (یعنی جناح صاحب) بہت ہی بڑے سیکولر انسان تھے ، بھائی جس شخص نے ایک پارسی لڑکی سے عشق لڑا کر شادی کی ہو ، گوکلے جس کا بیسٹ فرینڈ ہو ، سروجنی نائیڈو جسکی تعریف کرتے نہ تھکے ۔ ۔۔ جو اپنی بہن کی شادی تک نہ ہونے دے ۔ ۔۔ اسکا بھلا اسلام سے کیا تعلق ۔ ۔ ۔ جس شخص نے ہمیشہ لباس ہی انگریزی پہنا ہو ، بولتا ہی انگریزی ہو ، زندگی کے بہترین سال اسنے پیسہ کمانے میں گزارے ہوں ، بھلا اسکا اسلام سے کیا تعلق ۔ ۔۔ اور اُس نے ایسا ملک کیوں بنانا تھا کہ جو اسلام کی بنیاد پر بنا ہو ۔ ۔ ۔؟؟ جناح صاحب کی زندگی پر بعد میں نظر ڈالیں گے پہلے پاکستان کو تو دیکھ لیں

تو پاکستان ایک سیکولر ملک بنا تھا ، اسے بعد میں ملاؤں نے ہائی جیک کر کہ اسلامی جمہوریہ بنا ڈالا ، اور ہاں یہ جو لاکھوں بے وقوف مرے تھے پاکستان آنے کے لیے ۔۔ ۔ انہیں لازمی مِس گائیڈ کیا گیا تھا ۔ ۔ ۔ ورنہ ایک سیکولر ملک سے دوسرے سیکولر ملک میں جانے کے لیے جان دینا بے وقوفی نہیں تو اور کیا تھا ۔ ۔ ۔ اور پاکستان تو تھا ہی سیکولر ، بھئی جس کا وزیر خارجہ ایک قادیانی ہو (جو جناح کا جنازہ تک نہ پڑھے ) ، جس کی کابینہ میں ہندو وزیر ہو ، جسکی فوج کا سربراہ عیسائی انگریز ہو ۔ ۔ ۔ تو اسلامی ممللکت کہاں سے آ گئی ؟؟ جناح صاحب گیارہ اگست والی تقریر میں چیخ چیخ کر کہتے رہے کہ پاکستان کا اسلام سے کوئی تعلق نہیں مگر کوئی سنتا ہی نہیں انکی تقریر (کیونکہ ملتی نہیں ہے پوری )

مگر سمجھ نہیں آتی جب اقبال نے کہا تھا کہ انتظامی طور پر مسلم ریاستیں الگ کر دی جائیں تو پاکستان کی ضرورت کیا تھی ؟؟ اور پھر اسلام کا تڑکا کیوں لگایا گیا ؟ اصل میں پاکستان بنگالی جاگیرداروں نے بنایا تھا ۔ ۔۔ اور اسی لیے بنگال لے کر علیحدہ ہو گئے ، باقی رہا موجودہ پاکستان ۔ ۔ ۔ تو اسکی آزادی تو تھی ہی غلط ۔ ۔ ۔ لفظ آزادی بھی غلط ہے ، علیحدگی ۔۔ ۔ میرے خیال میں یہ بھی غلط ہے ۔ ۔۔ ہندوستان کا بٹوارہ ۔ ۔ ۔ ہاں یہ ٹھیک ہے ، بھئی انگریزوں سے آزاد تو ہندوستان ہوا تھا نا ، پھر ہم ہندوستان سے الگ ہو گئے ، پھر بنگال ہم سے الگ ہو گیا ، اور اب بلوچستان اور سندھ علیحدگی کے لیے تیار ہے ، پنجاب میں سرائیکی الگ ہو رہے ہیں ۔ ۔ ۔ پوٹھوہار الگ ہو رہا ہے ۔ ۔ ۔۔ میرے خیال میں کچھ عرصے بعد راولپنڈی کے جی ایچ کیو کے کسی جنرل کی ٹیبل کا نام پاکستان رہ جائے گا ہے نا ۔ ۔۔ باقی رہی آزادی کی بات ۔ ۔۔ تو اس سرزمین میں بے وقوفوں کی کمی نہیں جو لوگ لاکھوں کی تعداد میں ایک “ہندو“ پروپگنڈے پر اپنی جانیں دے دیتے ہیں کہ پاکستان اسلامی ملک بنے گا ۔ ۔۔ اور تو اور یہاں ایسے بھی لوگ موجود تھے کہ جو لندن جا کہ کہتے تھے کہ مجھے اب ایک غلام ملک میں جا کہ نہیں مرنا اور آزاد ملک میں ہی مر جاتے تھے (جزباتی لوگ) ۔ ۔ ۔۔ اور ابھی بھی ایسے موجود ہیں جو لندن جاتے ہیں اور کہتے ہیں کہ ہمیں آزاد پاکستان میں واپس نہیں آنا ۔۔ ۔ ۔ مگر جذباتی نہیں ہوتے ۔ ۔۔ کیونکہ پتہ نہیں کب ہوا کا رُخ بدل جائے اور انہیں پاکستان آنا پڑے ایک آزاد ملک سے ۔ ۔ ۔ اور پاکستان کے بننے کی غلطی کو ختم کرنا پڑ جائے ۔ ۔ کیونکہ ۔۔ ۔ ۔ پاکستان ۔۔ ۔ ضروری تو نہیں ۔ ۔ ۔۔
(جاری ہے )

1983 پی ٹی وی کا ڈرامہ "رگوں میں اندھیرا” ، آج جانے کیوں یاد آیا تو دیکھا جب تو بہت کچھ آنکھوں میں پھر گیا ، خاص کر جمیل فخری کو دیکھ کر آنکھیں بوجھل ہو گئیں ، زیب رحمٰن ، عابد بٹ ، نگہٹ بٹ ، انور علی ، عرفان کھوسٹ ، منا لاہوری اور مرکزی کردار میں راحت کاظمی ، ایسے پتہ چلا کہ آج کی کہانی ہی تھی ، ہمارے رائٹر سوئے نہیں تھے جیسے آج سو گئے ہیں ، وہ مستقبل دیکھ رہے تھے ۔ ۔ ۔۔ بے مثال اداکاری ، لاجواب کردار نگاری اور بہترین سکرپٹ ، زبردست ڈائریکشن ۔ ۔۔ تعریف کے الفاظ کم ہیں

مگر جو سین دل کو کاٹ گیا ، اسے اس تصویر میں پیش کر رہا ہوں ، مرحوم جمیل فخری اور سارہ (میں نام اگر بھول گیا ہوں تو بتا دیجیے گا ) ، آج کے مسنگ پرسن کی یاد دلا گیا ۔۔ ۔ ۔ یہ سین دس بار دیکھیں اور یاد رکھیں کہ کل ایک کے ساتھ یہ ہوا تھا اب ہزاروں کے ساتھ ہو رہا ہے ، کیونکہ اب ہم خاموش ہیں ۔ ۔۔ ۔ ۔